റഷ്യന്‍ യൂണിവേഴ്‌സിറ്റികളിൽ ഇന്ത്യന്‍ വിദ്യാര്‍ഥികള്‍ക്കായി 2000 അധിക മെഡിക്കല്‍ സീറ്റുകള്‍ അനുവദിച്ച് റഷ്യന്‍ ഫെഡറേഷന്‍. ചെന്നൈയിലെ കോണ്‍സല്‍ ജനറല്‍ ഓഫ് റഷ്യന്‍ ഫെഡറേഷന്‍ വലേരി ഖോദ്‌സായേവാണ് ഇക്കാര്യം അറിയിച്ചത്. നിലവിലുള്ള 8000 സീറ്റുകള്‍ പതിനായിരമായി ഉയര്‍ത്തിയിരുന്നു. 

കഴിഞ്ഞ 60 വര്‍ഷമായി ഇന്ത്യയില്‍ നിന്നുള്ള വിദ്യാര്‍ഥികള്‍ക്ക് റഷ്യന്‍ സര്‍വകലാശാലകളില്‍ പ്രവേശനം ലഭിക്കുന്നുണ്ട്. ഇന്ത്യന്‍ വിദ്യാര്‍ഥികള്‍ക്കായി മികച്ച പഠനാന്തരീക്ഷമാണ് റഷ്യ നല്‍കുന്നതെന്നും വലേരി ഖോദ്‌സായേവ കൂട്ടിച്ചേര്‍ത്തു. 

ഇതിന് പുറമെ ഈ വര്‍ഷം 200 ഇന്ത്യന്‍ വിദ്യാര്‍ഥികള്‍ക്ക് റഷ്യന്‍ സര്‍ക്കാരിന്റെ 100 ശതമാനം സ്‌കോളര്‍ഷിപ്പ് നല്‍കുമെന്ന് റഷ്യന്‍ ഹൗസ് വൈസ് കോണ്‍സല്‍ അലക്‌സാണ്ടര്‍ ദൊദോനോവ് അറിയിച്ചു. 

ALSO READ: എറണാകുളം സർക്കാർ മെഡിക്കൽ കോളജിൽ ജോലിയവസരം; പി എസ് സി പരീക്ഷ എഴുതാതെ ജോലി നേടാം Read more at: 

സ്‌കോളര്‍ഷിപ്പ് ലഭിക്കുന്നവര്‍ക്ക് സൗജന്യമായി റഷ്യയിലെ പ്രമുഖ യൂണിവേഴ്‌സിറ്റികളില്‍ ബിരുദവും പിജിയും ചെയ്യാനാവും. 

അതേസമയം 2025-26 അധ്യായന വര്‍ഷത്തെ അഖിലേന്ത്യ റഷ്യന്‍ വിദ്യാഭ്യാസ മേള മെയ് 10, 11 തീയതികളില്‍ റഷ്യന്‍ സെന്റര്‍ ഓഫ് സയന്‍സ് ആന്റ് കള്‍ച്ചറില്‍ നടക്കും. കോയമ്പത്തൂര്‍, സേലം, തിരുച്ചിറപ്പള്ളി എന്നിവിടങ്ങളിലും സമാനമായ പരിപാടികള്‍ സംഘടിപ്പിക്കും. 

The Russian Ministry has approved 2,000 additional medical seats for Indian students.

കൂടുതല്‍ തൊഴില്‍ വാര്‍ത്തകള്‍ക്ക് ഗ്രൂപ്പില്‍ ജോയിന്‍ ചെയ്യുക