കുവൈത്ത് സിറ്റി: ജയിലില്‍ കഴിയുന്ന കുറ്റവാളികള്‍ക്ക് മയക്കുമരുന്ന് എത്തിച്ച രണ്ടു പേര്‍ പിടിയില്‍. ഡ്രോണ്‍ ഉപയോഗിച്ചാണ് ഇവര്‍ കൃത്യം നടത്തിയത്. പൊലിസിന്റെ കണ്ണുവെട്ടിച്ച് മയക്കുമരുന്ന് കടത്താനാണ് ഇവര്‍ ഡ്രോണ്‍ ഉപയോഗിച്ചത്. 

ഫിന്റാസ്, സാദ് അല്‍അബ്ദുല്ല എന്നീ പ്രദേശങ്ങളില്‍ നിന്നാണ് പ്രതികള്‍ അറസ്റ്റിലായത്. ഡ്രോണുകള്‍ ഉപയോഗിച്ച് ഇവര്‍ സെന്‍ട്രല്‍ ജയിലിലേക്ക് മയക്കുമരുന്ന് കടത്തിയന്നെ് കണ്ടെത്തിയിരുന്നു. 

വ്യാപകമായ അന്വേഷണങ്ങളുടെയും നിരീക്ഷണങ്ങളുടെയും ഫലമായാണ് ഇരുവരുടെയും പ്രവര്‍ത്തന രീതി വെളിപ്പെട്ടത്. സെന്‍ട്രല്‍ ജയിലിലെ ഒരു തടവുകാരന് മയക്കുമരുന്ന് കടത്താന്‍ പ്രതികള്‍ ഡ്രോണുകള്‍ ഉപയോഗിച്ചതായി അധികൃതര്‍ കണ്ടെത്തി.

പൊതു സുരക്ഷയ്ക്കും സമൂഹത്തിന്റെ ക്ഷേമത്തിനും ഗുരുതരമായ ഭീഷണിയായി വിശേഷിപ്പിച്ച മയക്കുമരുന്ന് കടത്തും മറ്റു എല്ലാത്തരം കുറ്റകൃത്യങ്ങളും ചെറുക്കുന്നതിനുള്ള അചഞ്ചലമായ പ്രതിബദ്ധത ആഭ്യന്തര മന്ത്രാലയം ആവര്‍ത്തിച്ചു.

സംശയാസ്പദമായ എന്തെങ്കിലും പ്രവര്‍ത്തനങ്ങള്‍ ശ്രദ്ധയില്‍പ്പെട്ടാല്‍ അധികാരികളെ ഇക്കാര്യം അറിയിച്ചുകാണ്ട് ദേശീയ സുരക്ഷാ ശ്രമങ്ങളെ പിന്തുണയ്ക്കണമെന്ന് മന്ത്രാലയം പൗരന്മാരോടും താമസക്കാരോടും ആഹ്വാനം ചെയ്തു.

Kuwaiti authorities have arrested two individuals for attempting to smuggle drugs into the central prison using drones. The incident raises concerns about the growing misuse of drone technology in criminal activities.