പത്തനംതിട്ട: കോന്നി എംഎല്‍എ ജനീഷ് കുമാറിനെതിരെ പൊലിസില്‍ പരാതി നല്‍കി വനം വകുപ്പ് ഉദ്യോഗസ്ഥര്‍. ചൊവ്വാഴ്ച വൈകിട്ട് പാടം ഫോറസ്റ്റ് സ്റ്റേഷനില്‍ എത്തിയ എംഎല്‍എ ജനീഷ് കുമാര്‍ ഉദ്യോഗസ്ഥരെ ഭീഷണിപ്പെടുത്തുകയും അസഭ്യം പറയുകയും ചെയ്യുകയും, ചോദ്യം ചെയ്യാന്‍ വിളിപ്പിച്ച ആളെ ബലമായി ഇറക്കി കൊണ്ടു പോകുകയുമായിരുന്നു. സംഭവത്തില്‍ ജോലി തടസപ്പെടുത്തിയെന്നടക്കം ആരോപിച്ച് മൂന്ന് പരാതികളാണ് നല്‍കിയിരിക്കുന്നത്.

പാടം ഫോറസ്റ്റ് സ്റ്റേഷനില്‍ കസ്റ്റഡിയിലെടുത്ത മണ്ണുമാന്തി യന്ത്രത്തിന്റെ ഡ്രൈവറെ ആണ് എംഎല്‍എ മോചിപ്പിച്ചത്. റേഞ്ച് ഓഫിസര്‍ അടക്കമുള്ള ഉദ്യോഗസ്ഥരോട് എംഎല്‍എ മോശമായി സംസാരിച്ചതായും ആക്ഷേപമുണ്ട്. സംഭവത്തില്‍ വനംമന്ത്രി ഉദ്യോഗസ്ഥര്‍ക്കെതിരെ അന്വേഷണത്തിന് ഉത്തരവിട്ടിരുന്നു. 

അതേസമയം, സംഭവത്തില്‍ വിശദീകരണവുമായി എംഎല്‍എ രംഗത്തെത്തിയിരുന്നു. ഇതര സംസ്ഥാന തൊഴിലാളിയായ യുവാവിനെ അന്യായമായി കസ്റ്റഡിയില്‍ വെച്ചതാണ് ചോദ്യം ചെയ്തതെന്ന് എംഎല്‍എ ഫേസ്ബുക് പോസ്റ്റിലൂടെ പ്രതികരിച്ചിരുന്നു. ചില ഉദ്യോഗസ്ഥര്‍ ശ്രമിച്ചത് നാട്ടിലാകെ ഭീകരാന്തരീക്ഷം സൃഷ്ടിക്കാനാണ്. നാടിനു വേണ്ടി ഉയര്‍ത്തിയ പ്രശ്‌നങ്ങള്‍ ചര്‍ച്ച ചെയ്യപ്പെടണമെന്നും, തല പോയാലും ജനങ്ങള്‍ക്കൊപ്പം നില്‍ക്കുമെന്നും എംഎല്‍എ പറഞ്ഞു. ഇതുവരെ 11 പേരെയാണ് കാട്ടാന ചരിഞ്ഞ വിഷയത്തില്‍ വനം വകുപ്പ് കസ്റ്റഡിയിലെടുത്തതെന്നും എംഎല്‍എ കൂട്ടിച്ചേര്‍ത്തു.

Forest department officials in Pathanamthitta have lodged a police complaint against Konni MLA Jinesh Kumar, accusing him of obstruction of duty, intimidation, and using abusive language. The incident occurred when the MLA allegedly intervened to release a detained excavator driver from custody. Officials claim the MLA threatened staff at the Padem Forest Station.