കുവൈത്ത്: രാജ്യത്തെ താമസ തൊഴിൽ നിയമങ്ങൾ ലംഘിച്ച 400-ലധികം വിദേശികളെ കുവൈത്ത് അധികൃതർ അറസ്റ്റ് ചെയ്തു. രാജ്യത്തെ ആറ് ഗവർണറേറ്റുകളിലായി ഒമ്പത് ദിവസം നീണ്ട സുരക്ഷാ പരിശോധനകളുടെ ഭാഗമായാണ് അറസ്റ്റ്. 

റെസിഡൻഷ്യൽ പ്രദേശങ്ങൾ, ഫാമുകൾ, എഞ്ചിനീയറിംഗ് കമ്പനികൾ എന്നിവിടങ്ങളിലാണ് റെയ്ഡുകൾ നടത്തിയതെന്ന് അധികൃതർ അറിയിച്ചു. തൊഴിലാളികളെ നിയന്ത്രിക്കാനും നിയമവിരുദ്ധ താമസക്കാരെ കണ്ടെത്താനും ലക്ഷ്യമിട്ടുള്ള സംയോജിത സുരക്ഷാ പദ്ധതിയുടെ ഭാഗമായി ഏപ്രിൽ 30 മുതൽ മെയ് 9 വരെയാണ് പരിശോധന കാമ്പെയ്‌നുകൾ നടന്നതെന്ന് കുവൈത്ത് ആഭ്യന്തര മന്ത്രാലയം വ്യക്തമാക്കി.

രാജ്യത്തുടനീളം നിയമവിരുദ്ധ പ്രവർത്തനങ്ങൾക്കെതിരെ കർശന നടപടി സ്വീകരിച്ചുവരികയാണെന്ന് മന്ത്രാലയം മുന്നറിയിപ്പ് നൽകി, നിയമലംഘകർക്കും അവരുടെ തൊഴിലുടമകൾക്കുമെതിരെ കർശന നിയമനടപടികൾ സ്വീകരിക്കുമെന്നും അധികൃതർ അറിയിച്ചു. 

4.9 ദശലക്ഷം ജനസംഖ്യയുള്ള കുവൈത്തിൽ ഭൂരിഭാ​ഗവും വിദേശികളാണ്. ജനസംഖ്യാ അസന്തുലിതാവസ്ഥ നേരിടാനും തൊഴിൽ വിപണി നിയന്ത്രിക്കാനും ഇത്തരം പരിശോധനകളിലൂടെ രാജ്യം ശ്രമിക്കുന്നുണ്ട്.

Kuwaiti authorities have arrested over 400 expatriates for violating residency and labor laws during a 9-day security campaign across all six governorates. The Interior Ministry's raids targeted residential areas, farms, and worksites as part of efforts to regulate the labor market and address demographic imbalances.