ടെക്സാസ്, യുഎസ്: 14-കാരൻ  സ്കൂളിൽ കൂട്ടക്കൊല നടത്താൻ പദ്ധതിയിട്ടതായി പൊലീസിന്റെ ആരോപണം. അതിനായി ആയുധങ്ങൾ വാങ്ങി നൽകി പിന്തുണച്ചത് അവന്റേ മാതാവായ 33 കാരി ആഷ്‌ലി പാർഡോയും അറസ്റ്റിലായി. സാൻ അന്റോണിയോയിലെ ജെറമിയ റോഡ്‌സ് മിഡിൽ സ്കൂളിലാണ് ആക്രമണം ആസൂത്രണം ചെയ്തിരുന്നത്.

തിങ്കളാഴ്ച കുട്ടി സ്കൂളിൽ ഭീതിയുണർത്തുന്ന വസ്ത്രങ്ങൾ ധരിച്ച് എത്തിയതിനെ തുടർന്നാണ് സംഭവത്തെ സ്കൂൾ അധികൃതർ ഗൗരവത്തോടെ സമീപിച്ചത്. കുട്ടി വീണ്ടും സ്കൂളിൽ എത്തി അക്രമം നടത്തും എന്ന ആശങ്ക ഉന്നയിച്ചതിനെ തുടർന്ന് സുരക്ഷാ സന്നാഹങ്ങൾ പ്രാവർത്തികമാക്കിയ ശേഷം കുട്ടിയെ സ്കൂളിന് മുന്നിൽ തടഞ്ഞുവയ്ക്കുകയും പിന്നീട് പോലീസിനെ അറിയിക്കുകയുമായിരുന്നു.

കുട്ടിയുടെ മുത്തശ്ശിയാണ് ഞെട്ടിക്കുന്ന വെളിപ്പെടുത്തലുകൾ നടത്തിയത്. മകന്റെ ആക്രമണ ആസൂത്രണത്തിന് മാതാവ് പിന്തുണ നൽകി തോക്കും മറ്റും വാങ്ങി നൽകിയതായി മുത്തശ്ശി പോലീസിനോട് വ്യക്തമാക്കി. കൂടാതെ കുട്ടിയുടെ കിടപ്പുമുറിയിൽ നിന്നും വീട്ടിൽ നിർമ്മിച്ച ഒരു മോർട്ടാർ (വെടിവെപ്പ് ബോംബ്) കണ്ടെടുത്തതായും, അതിന്മേൽ "For Brenton Tarrant" എന്നെഴുതിയിരുന്നതായും മുത്തശ്ശി പറഞ്ഞു. 2019-ലെ ന്യൂസിലാൻഡിലെ ക്രൈസ്റ്റ്‌ചർച്ച് പള്ളിയിലുണ്ടായ കൂട്ടക്കൊലയിൽ 51 പേരെ വധിച്ച ബ്രെൻറൺ ടാരന്റിനെയാണ് ഇതിലൂടെ കുട്ടി സ്മരിച്ചതെന്ന് അന്വേഷണത്തിൽ പറയുന്നു.

കുട്ടിക്ക് അത്തരം അക്രമകാരികളോടുള്ള ആരാധനയുണ്ടെന്നും, "പ്രശസ്തനാവാൻ പോകുകയാണ്" എന്ന നിലയിലുള്ള പ്രതികരണങ്ങൾ മുത്തശ്ശിയോട് പങ്കുവച്ചിരുന്നുവെന്നും വ്യക്തമാകുന്നു. അക്രമത്തെ പ്രോത്സാഹിപ്പിക്കുന്ന മാസികകളും മറ്റു സാമഗ്രികളും കുട്ടിക്ക് മാതാവ് തന്നെയാണ് വാങ്ങി നൽകിയതെന്നും മുത്തശ്ശി ആരോപിച്ചു.

ഇതിനുശേഷം ആഷ്‌ലി പാർഡോയ്‌ക്കെതിരെ കൂട്ടക്കൊല ആസൂത്രണം, അനധികൃത ആയുധ കൈമാറ്റം തുടങ്ങിയ കുറ്റങ്ങൾ ചുമത്തിയതായും പോലീസ് അറിയിച്ചു. കുട്ടിയും ഇപ്പോൾ ഉദ്യോഗസ്ഥരുടെ കസ്റ്റഡിയിലാണുള്ളത്.

In a shocking incident from Texas, a 33-year-old mother, Ashley Pardo, was arrested for allegedly buying weapons for her 14-year-old son who planned a mass shooting at his middle school. Authorities said the teenager idolized mass shooters and intended to carry out an attack at Jeremiah Rhodes Middle School. A homemade mortar inscribed “For Brenton Tarrant” was found in his room, referencing the 2019 Christchurch mosque shooter. The boy’s grandmother tipped off authorities, revealing the mother supported his violent plans by providing weapons and extremist material.