ഇരുമ്പ് പാത്രങ്ങള്‍ നൂറ്റാണ്ടുകളോളം ഈടുനില്‍ക്കുന്നവയാണ്. ഇത് ചൂടാകാന്‍ കുറച്ച് സമയമെടുക്കുമെങ്കിലും 
പാചകം ചെയ്യുമ്പോള്‍ ഭക്ഷണത്തിന്റെ എല്ലാ ഭാഗത്തും ചൂട് തുല്യമായി എത്തുമെന്നതാണ് ഇതിന്റെ ക്വാളിറ്റി. മാത്രമല്ല ഭക്ഷണത്തിന്റെ രുചിയും കൂടും.

നോണ്‍സ്റ്റിക് പാത്രങ്ങളിലേതു പോലെ ടെഫ്‌ളോണ്‍ പോലുള്ള സിന്തറ്റിക് കോട്ടിങുകള്‍ ഇല്ലാത്തതിനാല്‍ ഹാനികരമായ വസ്തുക്കള്‍ ഭക്ഷണത്തില്‍ കലരുന്നതും  ഒഴിവാക്കാം.

പെട്ടെന്ന് തുരുമ്പ് പിടിക്കും എന്നതാണ് ഇരുമ്പ് പാത്രങ്ങള്‍ ഉപയോഗിക്കുമ്പോള്‍ ഉണ്ടാകുന്ന പോരായ്മ. അതുകൊണ്ട് 
ഓരോ തവണ പാത്രങ്ങള്‍ ഉപയോഗിച്ച ശേഷവും കഴുകി ഉണക്കി എണ്ണ പുരട്ടി വേണം വയ്ക്കാന്‍. അല്ലെങ്കില്‍ പെട്ടെന്ന് തുരുമ്പ് പിടിക്കും. 

വീട്ടില്‍ തുരുമ്പ് പിടിച്ചു കിടന്നിരുന്ന പഴയ സ്റ്റീല്‍ പാത്രങ്ങള്‍ വൃത്തിയാക്കി എടുക്കുന്നതെങ്ങനെ എന്നു നോക്കാം. 

ആദ്യം കാസ്റ്റ് അയണ്‍ പാത്രങ്ങള്‍ കഴുകി നന്നായി തുരുമ്പ് കളഞ്ഞ് എടുക്കുക. ഇത് രണ്ടുതരത്തില്‍ വൃത്തിയാക്കാവുന്നതാണ്.

ആദ്യം ചൂടാക്കുക. ചൂടാക്കിയ ശേഷം  എണ്ണ ഒഴിക്കുക. ഒന്നില്‍ വാഴയില ഇട്ടു നന്നായി വഴറ്റുക, മറ്റേതില്‍ സവാള അരിഞ്ഞിട്ടും വഴറ്റി എടുക്കാം. 

ഇത് രാത്രിമുഴുവന്‍ വച്ച് രാവിലെ എടുത്ത് മാറ്റുക. ഇരുമ്പ് പാത്രങ്ങളുടെ തുരുമ്പ് മണവും രുചിയും മാറുന്നത് വരെ ഇങ്ങനെ ചെയ്യുക. 

ചെമ്പരത്തിയുടെ ഇലയും പൂവും മിക്‌സിയുടെ ജാറിലേക്കിട്ട് അടിച്ചെടുത്ത് കുറച്ചു വെള്ളമൊഴിച്ച് അരച്ചെടുക്കുക. 
ഇത് വലിയ പാത്രത്തിലേക്ക് ഒഴിക്കുക. അതിലേക്ക് കുറച്ചു വെള്ളം കൂടെ ചേര്‍ത്ത് രണ്ടു ദിവസം ഈ പാത്രങ്ങള്‍ ഇതില്‍ മുക്കിവയ്ക്കണം. ശേഷം പുറത്തെടുത്ത് നല്ല വൃത്തിയായി കഴുകിയെടുക്കുക.  പാത്രം ഉണക്കി വയ്ക്കുക. 

അടുത്തത്, ചെങ്കല്ലിന്റെ പൊടിയെടുക്കുക. (ചുടുകട്ട) ഇത് സ്‌ക്രബര്‍ വച്ച് പാത്രത്തില്‍ തേച്ചുപിടിപ്പിച്ച് നന്നായി കഴുകി എടുക്കുക. ശേഷം ഉണക്കിയെടുക്കുക. 

ഒരു പാത്രത്തില്‍ നല്ലെണ്ണ ഒഴിച്ച് അതിലേക്ക് മഞ്ഞള്‍ പൊടി  ഇട്ട് മിക്‌സ് ചെയ്തു നന്നായി പാത്രത്തിന്റെ മുകളില്‍ പുരട്ടിക്കൊടുക്കുക. ഇത് ഒരു ദിവസം മുഴുവന്‍ വയ്ക്കുക. പിറ്റേ ദിവസം ഇത് നന്നായി സോപ്പിട്ട് കഴുകിയെടുക്കാം. ഇനി ഇത് ഒന്ന് ചൂടാക്കി കുറച്ച് എണ്ണ ഒഴിച്ച് അതിനുമുകളില്‍ സവാള ഉപയോഗിച്ച്  എണ്ണ സ്പ്രഡ് ചെയ്തു കൊടുക്കാം. അധിക എണ്ണ തുടച്ചു കളയാം .എന്നിട്ട് ഉപയോഗിച്ചു നോക്കൂ. സൂപ്പര്‍ ആയിരിക്കും.