ഗൂഡല്ലൂര്‍: കാട്ടാനക്കൂട്ടം റോഡിലേക്ക് ഇറങ്ങി വാഹന ഗതാഗതം തടസപ്പെടുത്തി. കഴിഞ്ഞ ദിവസം രാത്രിയിലാണ് സംഭവം. ഗൂഡല്ലൂര്‍- വൈത്തിരി അന്തര്‍സംസ്ഥാന പാതയിലെ ഏലിയാസ്‌കടയിലാണ് കാട്ടാനക്കൂട്ടം റോഡിലേക്ക് ഇറങ്ങിയത്. ഏഴ് ആനകളും മൂന്ന് കുട്ടികളും അടങ്ങിയ കൂട്ടമാണ് റോഡില്‍ നിലയുറപ്പിച്ചത്. രണ്ട് മണിക്കൂറോളം ആനകള്‍ റോഡില്‍ നിലയുറപ്പിച്ചു. വാഹനങ്ങള്‍ റോഡിന്റെ ഇരുവശങ്ങളിലും നീണ്ട നിരയായി നിര്‍ത്തിയിട്ടിരിക്കുകയായിരുന്നു. വിവരമറിഞ്ഞ് സ്ഥലത്തെത്തിയ ചേരമ്പാടി റെയ്ഞ്ചര്‍ ഗണേഷന്‍, ഫോറസ്റ്റര്‍ മനോഹരന്‍, ഗാര്‍ഡ് സുരേഷ്‌കുമാര്‍ എന്നിവര്‍ സ്ഥലത്തെത്തി പടക്കംപൊട്ടിച്ചാണ് പിന്നീട് രാത്രി പന്ത്രണ്ട് മണിയോടെ ആനകളെ സമീപത്തെ വനത്തിലേക്ക് തുരത്തിയോടിച്ചത്.