കാലിഫോർണിയ: കയ്യിൽ ഒതുങ്ങുന്ന മൊബൈൽ ഫോൺ എങ്ങനെയൊക്കെയോ നമ്മുടെ നിത്യ ജീവിതത്തിന്റെ ഭാഗമായിത്തീരുമ്പോൾ, ഈ ഉപകരണത്തിന് തന്നെ പകരക്കാരനായി ഒരു പുതിയ ആവിഷ്കാരം പ്രഖ്യാപിച്ചിരിക്കുകയാണ് ആധുനിക ആർട്ടിഫിഷ്യൽ ഇന്റലിജൻസ് രംഗത്തെ മുൻനിര സ്ഥാപനമായ ഓപ്പൺഎഐ. കമ്പനി സിഇഒ സാം ആൾട്ട്മാനാണ് ഈ ഗെയിം-ചേഞ്ചർ എഐ ഉപകരണത്തെക്കുറിച്ച് ഔദ്യോഗികമായി പ്രഖ്യാപിച്ചത്.

ആധുനിക സ്മാർട്ട്ഫോണുകളെ മറികടക്കാൻ ശേഷിയുള്ള ഒരു എഐ അധിഷ്ഠിത ഹാർഡ്‌വെയർ ഡിവൈസ് ആണിത്. ടെക്നോളജിയിലെ അടുത്ത വലിയ വിപ്ലവമായി ഇത് മാറുമെന്ന ആത്മവിശ്വാസവുമാണ് ആൾട്ട്മാനിന്. മുൻ ആപ്പിൾ ഡിസൈൻ മേധാവി ജോണി ഐവുമായാണ്  ചേർന്നാണ് ആൾട്ട്മാൻ പുതിയ ഉപകരണത്തിന് രൂപം നൽക്കുന്നത്.

സാം ആൾട്ട്മാന്റെ പ്രവചനമനുസരിച്ച്, ഈ എഐ ഉപകരണം രൂപത്തിലും പ്രവർത്തനത്തിലും ഇന്നത്തെ സ്മാർട്ട്‌ഫോണുകളോ സ്മാർട്ട് ഗ്ലാസുകളോ പോലെയായിരിക്കില്ല. പുതിയ ഉപകരണം വോയ്സ് കമാൻഡുകൾ മുഖേന പ്രവർത്തിക്കും, അതായത് ടച്ച് ഇൻപുട്ടുകളും ടൈപ്പിംഗും ആവശ്യമില്ല. ഉപയോക്താവുമായി അതിശയകരമായ ഇന്ററാക്ഷൻ അനുവദിക്കുന്ന വിധത്തിൽ, ജനറേറ്റീവ് എഐ ഉൾപ്പെടെയുള്ള അത്യാധുനിക സാങ്കേതികവിദ്യകൾ ഉപയോഗിച്ചായിരിക്കും ഇതിന്റെ നിർമ്മാണം.

ഓപ്പൺഎഐ ഒരു വർഷത്തിലേറെയായി ഈ എഐ ഉപകരണത്തിന്റെ രൂപകല്പനയും വികസനത്തിലുമുള്ള പരിശ്രമത്തിലാണ്. എന്നാൽ, ഒരു പ്രവർത്തനക്ഷമമായ പ്രോട്ടോടൈപ്പ് തയ്യാറാകാൻ കുറച്ച് വർഷങ്ങളെങ്കിലും എടുക്കുമെന്ന് കമ്പനി വ്യക്തമാക്കിയിട്ടുണ്ട്. ഇതു ലഭ്യമായാൽ, സാധാരണ ഉപയോക്താക്കൾക്കും എളുപ്പത്തിൽ കൈകാര്യം ചെയ്യാവുന്ന ഉപകരണമായിരിക്കും അത്.

മൊബൈൽ ഫോണുകളുടെ ആധിപത്യം അവസാനിക്കുമോ എന്ന ചോദ്യത്തിന് ഉത്തരം തേടുമ്പോൾ, ഓപ്പൺഎഐയുടെ പുതിയ ഉപകരണം മനുഷ്യ-സാങ്കേതിക ബന്ധത്തിൽ പുതു ചരിത്രം സൃഷ്ടിക്കും. ടെക് ലോകം ഉറ്റുനോക്കുന്ന പുതിയ കാലഘട്ടത്തിന്‍റെ പുതു ഇടമായിരിക്കും ഇതെന്ന് എഐ മേഖലയിലെ വിദഗ്ധർ വിലയിരുത്തുന്നു.

OpenAI CEO Sam Altman has announced the development of a revolutionary AI-powered hardware device that could eventually replace smartphones. Partnering with former Apple design chief Jony Ive, the new tool is expected to rely on voice commands instead of touch input, making it more user-friendly. The device, still in early stages, promises a major shift in how humans interact with technology, moving beyond the traditional smartphone experience.