ഖൽവ (മധ്യപ്രദേശ്): സംസ്ഥാനത്തെ ഖൽവ പ്രദേശത്ത് ആദിവാസി യുവതിയെ അതിക്രൂരമായി ബലാത്സംഗത്തിനിരയാക്കി കൊല്ലപ്പെടുത്തിയ സംഭവം രാജ്യത്തെ ഞെട്ടിക്കുന്നതും ഭീതിപ്പെടുത്തുന്നതുമാണ്. രണ്ട് കുട്ടികളുടെ അമ്മയായ യുവതിയെ ശനിയാഴ്ച ഉച്ചയ്ക്ക് 1 മണിയോടെയാണ് അടുത്ത വീട്ടിൽ സ്ത്രീയെ അബോധാവസ്ഥയിൽ കണ്ടെത്തിയത്. സ്ത്രീയുടെ മകനായിരുന്നു ആദ്യം കണ്ടത്. സംഭവ സ്ഥലത്തേക്ക് പൊലീസ് എത്തിയപ്പോഴേയ്ക്കും രക്തം വാർന്ന് യുവതി കൊല്ലപ്പെട്ടിരുന്നു. 
 
പീഡനത്തിനുശേഷം ഇരുമ്പ് വടിയാൽ സ്വകാര്യ ഭാഗങ്ങളിൽ തിരുകുകയും, ഗർഭാശയം പുറത്തെടുക്കുകയും ചെയ്തതായി പൊലീസ് വ്യക്തമാക്കി. യുവതിയുടെ മകനാണ് അമ്മയെ രക്തത്തിൽ കുളിച്ച നിലയിൽ അബോധാവസ്ഥയിൽ കണ്ടത്. ഉടൻ സമീപവാസികൾക്ക് വിവരം അറിയിക്കുകയും, അവർ പൊലീസിനെ അറിയിക്കുകയും ചെയ്തു. 30നും 38നും മധ്യേ പ്രായമുള്ള ഹരി പാൽവി, സുനിൽ ധ്രുവെ എന്നിവരാണ് പൊലീസ് അറസ്റ്റ് ചെയ്ത രണ്ട് പ്രതികൾ. ഇവർ യുവതിയുടെ അയൽവാസികളാണ്. മദ്യപിച്ച ശേഷമാണ് ഇരുവരും യുവതിയോട് ക്രൂരത കാണിച്ചതെന്നാണ് പൊലീസ് പ്രാഥമിക അന്വേഷണത്തിൽ കണ്ടെത്തിയത്.

നിർഭയ കേസിന്റെ ഓർമ്മകൾ പുനരുജ്ജീവിപ്പിക്കുന്ന ഈ അതിക്രൂര സംഭവത്തിൽ, ലൈംഗിക അതിക്രമത്തിനും കൊലപാതകത്തിനുമാണ് പ്രതികൾക്കെതിരെ കേസുകൾ രജിസ്റ്റർ ചെയ്തിരിക്കുന്നത്. ഇരുവരെയും കസ്റ്റഡിയിൽ എടുത്ത് വിശദമായ ചോദ്യം ചെയ്യലിലാണ് പൊലീസ്.

A tribal woman, mother of two, was brutally raped and murdered in Khalwa, Madhya Pradesh. The assailants inserted an iron rod into her private parts, causing her womb to be ripped out. The victim was found dead by her son. Police arrested two neighbors, Hari Palvi and Sunil Dhruve, who were reportedly drunk during the assault. The case has drawn comparisons to the Nirbhaya incident, sparking outrage and renewed calls for women’s safety.