വയനാട്: മാനന്തവാടിയ്ക്കടുത്ത് അപ്പപ്പാറയിലെ വാകേരി മേഖലയിൽ അതിക്രൂരമായ അരുംകൊല. എടയൂർക്കുന്ന് സ്വദേശിനിയായ അപർണ (36)യാണ് ജീവിത പങ്കാളിയായ ഗിരീഷ് കുത്തി കൊല്ലുകയായിരുന്നു. കൊലയ്ക്ക് ശേഷം ഗിരീഷ് സ്ഥലത്ത് നിന്ന് രക്ഷപ്പെടുകയും ചെയ്തു. ഇയാളെ പിടികൂടാൻ പൊലീസ് ശ്രമം തുടരുകയാണ്.

അപർണയുടെ രണ്ട് കുട്ടികളെയും ഇയാൾ ആക്രമിച്ചു. 14 വയസ്സുള്ള മകൾ അനർഘക്ക് കഴുത്തിലും ചെവിയിലും പരിക്കേറ്റു. നിലവിൽ തീവ്രപരിചരണത്തിൽ ചികിത്സയിലാണ് കുട്ടി. എന്നാൽ 9 വയസ്സുള്ള മകളായ അബിനയയെ ആക്രമണ ശേഷം കാണാതായിരിക്കുകയാണ്. കുട്ടിയെ കണ്ടെത്താൻ പൊലീസും നാട്ടുകാരും ചേർന്ന് വ്യാപകമായി തെരച്ചിൽ നടത്തുന്നുണ്ട്.

സംഭവ സ്ഥലത്തേക്ക് പൊലീസ് സംഘം ഉടൻ എത്തി തെളിവെടുപ്പും പ്രദേശവാസികളിൽ നിന്ന് വിവരശേഖരണവും ആരംഭിച്ചു. അതേസമയം, കൊല്ലപ്പെട്ട അപർണയും പ്രതി ഗിരീഷും ഒന്നിച്ച് താമസിച്ചുവരികയായിരുന്നു. ബന്ധത്തിൽ പിളർച്ച ഉണ്ടായതിനെത്തുടർന്നുണ്ടായ വാക്കേറ്റം കൊലപാതകത്തിൽ കലാശിച്ചുവെന്നാണ് പ്രാഥമിക നിഗമനം.

 A shocking incident unfolded in Vakeri near Mananthavady, Wayanad, where a woman named Aparna was brutally stabbed to death by her partner, Girish. Their 14-year-old daughter suffered injuries to her neck and ear, while their 9-year-old daughter Abhinaya is missing. A police manhunt is underway for the accused, who fled the scene after the attack. A search operation is also ongoing to locate the missing child.