ഓമശേരി : കാലവർഷം എത്തിയതോടെ എടവണ്ണ - കൊയിലാണ്ടി സംസ്ഥാന പാതയിലെ കച്ചവടക്കാരും യാത്രക്കാരും ജനങ്ങളും വീണ്ടും ദുരിതത്തിലേക്ക്. അശാസ്ത്രീയമായ നിർമാണ രീതി കാരണം റോഡിൻ്റെ ഇരുവശത്തും താമസിക്കുന്ന വീട്ടുകാരും കച്ചവടക്കാരും റോഡിലൂടെ ഒഴുകുന്ന വെള്ളം കാരണം ബുദ്ധിമുട്ടുകയാണ്. ഡ്രൈനേജിലേക്ക് ഒഴുകേണ്ട വെള്ളം നേരെ എതിർ വശത്തേക്കാണ്  ഒഴുകുന്നത്. ഇത് പല വീടുകളിലേക്കും വെള്ളം കയറാൻ കാരമാകുന്നു. ഈ ദേശീയപാതയിൽ പലയിടങ്ങളിലും റോഡിന് നടുവിൽ ചാലുകൾ രൂപപ്പെട്ട് വെള്ളം കെട്ടികിടക്കുന്നതും യാത്ര ദുസ്സഹമാക്കുന്നു. ഇരുചക്ര വാഹനങ്ങളിൽ യാത്രചെയ്യാൻ കഴിയാത്ത സ്ഥിതിയാണുള്ളത്. ദേശീയ പാതയുടെ ഇരുവശങ്ങളിലുമുള്ള കച്ചവട സ്ഥാപനങ്ങളിലും വെള്ളം കയറുന്നത് വ്യാപാരികളെയും ഒരുപോലെ ബുദ്ധിമുട്ടിലാക്കുകയാണ്. റോഡ് നിർമാണത്തിലെ അശാസ്ത്രീയതയാണ് ഇതിന് കാരണമെന്നാണ് പ്രദേശവാസികളുടെ ആരോപണം. 

ഈ റോഡിൽ മുക്കം ഭാഗത്ത് നിന്ന് താമരശേരി-കൊയിലാണ്ടി ഭാഗത്തേക്ക് യാത്ര ചെയ്യുമ്പോൾ റോഡിൻ്റെ ഇടതുഭാഗം പൂർണമായും താഴ്ന്ന അവസ്ഥയിലാണ്. ഇതു മൂലം റോഡിലൂടെ സഞ്ചരിക്കുന്ന വാഹനങ്ങൾ പൂളയുകയും  ഇരുചക്രവാഹനങ്ങൾ അപകടത്തിൽപ്പെടുന്നതും നിത്യ സംഭവമാണ്. ഈ സംസ്ഥന പാതയിൽ പലയിടങ്ങളിലും താഴ്ന്നുപോയ സംഭവമുണ്ടായിട്ടുണ്ട്. ഇത് സംബന്ധിച്ച് അന്വേഷണം നടത്തി നടപടി സ്വീകരിക്കണമെന്നാവശ്യപ്പെട്ട് പൊതുമരാമത്ത് മന്ത്രി പി.എ മുഹമ്മദ് റിയാസിന് നൽകിയ പരാതിയെ തുടർന്ന് പൊതുമരാമത്ത് വകുപ്പ് വിജിലൻസ് ക്വാളിറ്റി കൺട്രോൾ ജില്ലാ മേധാവി ബെന്നിയുടെ നേതൃത്വത്തിലുള്ള സംഘം കഴിഞ്ഞ 20ന് താമരശേരി മുതൽ മുക്കം വരെയുള്ള ഭാഗത്ത് വിശദമായി പരിശോധന നടത്തിയിരുന്നു. നവീകരണ പ്രവൃത്തിയിലെ അപാകതകൾ നേരിട്ട് കണ്ട് ബോധ്യപ്പെട്ട സംഘം ഉടൻ റിപ്പോർട്ട് തയാറാക്കി മന്ത്രിക്ക് സമർപ്പിക്കുമെന്നും അറിയിച്ചിരുന്നു. ഈ പാതയിൽ പലയിടങ്ങളിലും അപകടങ്ങളും പതിവാണ്.

Residents along the Edavanna-Koyilandy state highway are facing severe hardships due to alleged unscientific construction practices. Poor planning and execution have led to waterlogging, accidents, and daily commuter struggles. Locals demand immediate government intervention to address the flawed roadwork. Authorities face growing criticism as public frustration mounts over the deteriorating infrastructure. Updates on remedial measures awaited.