കോട്ടയം: ഭര്‍തൃ കുടുംബത്തിനെതിരെ ഫേസ്ബുക്ക് പോസ്റ്റിട്ട പഞ്ചായത്ത് മെമ്പറായ യുവതിയെയും, രണ്ട് പെണ്‍മക്കളെയും കാണാനില്ലെന്ന് പരാതി. കോട്ടയം അതിരമ്പുഴ പഞ്ചായത്ത് അംഗം ഐസി സാജന്‍, മക്കളായ അമലയ, അമയ എന്നിവരെയാണ് കാണാതായത്. സംഭവത്തില്‍ ഏറ്റുമാനൂര്‍ പൊലിസ് കേസെടുത്ത് അന്വേഷണം ആരംഭിച്ചു. 

ഐസിയുടെ ഭര്‍ത്താവ് സാജന്‍ നേരത്തെ മരണപ്പെട്ടിരുന്നു. ഇവരും ഭര്‍ത്താവിന്റെ കുടുംബവും തമ്മില്‍ സ്വത്ത് തര്‍ക്കം നിലനിന്നിരുന്നു. ഇതിന്റെ ഭാഗമായി പൊലിസില്‍ പരാതിയും നല്‍കിയിട്ടുണ്ട്. പിന്നീട് പൊലിസ് ഇടപെട്ട് 50 ലക്ഷം രൂപ ഭര്‍തൃ വീട്ടുകാരില്‍ നിന്ന് വാങ്ങി നല്‍കാമെന്ന് ഉറപ്പ് നല്‍കിയിരുന്നു. എന്നാല്‍ പൊലിസ് വാഗ്ദാനം പാലിച്ചില്ല. തുടര്‍ന്നാണ് യുവതി പൊലിസിനും, ഭര്‍തൃ വീട്ടുകാര്‍ക്കുമെതിരെ ഫേസ്ബുക്കില്‍ പോസ്റ്റിട്ടത്. 

ഭര്‍തൃമാതാവിന്റെ പീഢനം ഇനിയും സഹിക്കാന്‍ കഴിയില്ലെന്നും യുവതി കുറിപ്പില്‍ പറഞ്ഞിരുന്നു. തൊട്ടുപിന്നാലെയാണ് മക്കളോടൊപ്പം യുവതിയെ കാണാതാവുന്നത്.

man panchayat member and her two daughters have gone missing in Kottayam