പാലക്കാട്: അട്ടപ്പാടിയില്‍ ആദിവാസി യുവാവിനെ വിവസ്ത്രനാക്കി പോസ്റ്റില്‍ കെട്ടിയിട്ട് മര്‍ദ്ദിച്ചതായി പരാതി. അഗളി ചിറ്റൂര്‍ ആദിവാസി ഊരിലെ ഷിബു (19)നാണ് മര്‍ദ്ദനമേറ്റത്. മദ്യപിച്ച് വാഹനത്തിന് മുന്നില്‍ വീണെന്ന് ആരോപിച്ചായിരുന്നു ഡ്രൈവറും ക്ലീനറും ചേര്‍ന്ന് മര്‍ദ്ദിച്ചത്. ഷിബുവിന്റെ ദേഹമാസകലം പരുക്കേറ്റു. നിലവില്‍ ഷിബുവിനെ കോട്ടത്തറ ട്രൈബല്‍ സ്‌പെഷ്യാലിറ്റി ആശുപത്രിയില്‍ ചികിത്സയിലാണ്.

മെയ് 24നായിരുന്നു സംഭവം. മദ്യപിച്ച് ബോധരഹിതനായി വാഹനത്തിന് മുന്നിലേക്ക് വീണെന്ന് ആരോപിച്ച് മര്‍ദ്ദിക്കുകയായിരുന്നു. വസ്ത്രങ്ങള്‍ ഊരിമാറ്റിയായിരുന്നു മര്‍ദ്ദനം. സംഭവത്തിന്‍ ദൃശ്യങ്ങള്‍ പുറത്തുവന്നു.

അതേസമയം സംഭവത്തില്‍ ഇതുവരെ പൊലിസ് കേസ് രജിസ്റ്റര്‍ ചെയ്തിട്ടില്ല. മദ്യപിച്ച് റോഡിൽ നിൽക്കുകയായിരുന്ന യുവാവ് ഇതുവഴി വന്ന വാഹനം തടഞ്ഞെന്നും പിന്നാലെ വാഹനത്തിൻ്റെ ചില്ല് കല്ലെറിഞ്ഞ് തകർത്തെന്നും പിന്നാലെയാണ് മർദനമെന്നുമാണ് പൊലീസ് പറയുന്നത്.