കൊച്ചി: കനത്ത മഴയിൽ കോഴിക്കോടും ആലുവയിലും റെയിൽവേ ട്രാക്കിലേക്ക് മരം വീണതിന്റെ സാഹചര്യത്തിൽ സംസ്ഥാനത്ത് ട്രെയിനുകൾ വൈകി ഓടുന്നു. അമൃതസർ- കൊച്ചുവേളി സൂപ്പർഫാസ്റ്റ് എക്സ്പ്രസ്, നിലമ്പൂർ രാജ്യ റാണി എക്സ്പ്രസ്, നിസാമുദ്ദീൻ എറണാകുളം മംഗള എക്സ്പ്രസ്, ഗുരുവായൂർ- തിരുവനന്തപുരം എക്സ്പ്രസ്, ചെന്നൈ- മംഗളൂരു, കോഴിക്കോട്- ഷോർണൂർ പാസഞ്ചർ തിരുവനന്തപുരം മംഗളൂരു മലബാർ എക്സ്പ്രസ്, അന്ത്യോദയ എക്സ്പ്രസ്, ചെന്നൈ എഗ്മോർ- ഗുരുവായൂർ എക്സ്പ്രസ് എന്നീ ട്രെയിനുകളാണ് വൈകി ഓടിക്കൊണ്ടിരിക്കുന്നത്.

ഇന്നലെ കോഴിക്കോട് നല്ലളത്ത് റെയിൽവേ ട്രാക്കിലേക്ക് മൂന്ന് മരങ്ങൾ കടപുഴകി വീണത്. ജാംനഗർ എക്സ്പ്രസ് കടന്നുപോകുന്നതിന് തൊട്ടുമുമ്പാണ് സംഭവം നടന്നത്. മരങ്ങൾ വീണതോടെ വൈദ്യുതി ലൈനുകൾ പൊട്ടുകയും ഗതാഗതം മുടങ്ങുകയും ചെയ്തു. പ്രദേശത്ത് ചുഴലിക്കാറ്റ് അനുഭവപ്പെട്ടതായി നാട്ടുകാർ പറഞ്ഞു. ചില വീടുകളുടെ മേൽക്കൂരയിലെ ഷീറ്റുകൾ തകർന്ന് ട്രാക്കിൽ വീണു. 

ആലുവ അമ്പാട്ടുകാവിലാണ് കാറ്റിൽ ആൽമരം റെയിൽവേ ട്രാക്കിൽ വീണ് ട്രെയിൻ ഗതാഗതം തടസ്സപ്പെട്ടു. എറണാകുളം ഭാഗത്തേക്കുള്ള ട്രെയിനുകൾ അങ്കമാലിയിലും തൃശൂർ ഭാഗത്തേക്കുള്ളവ എറണാകുളത്തും കുടുങ്ങിക്കിടക്കുകയാണ്.വൈദ്യുതി ലൈനുകൾ പൊട്ടിയതാണ് ഗതാഗത തടസ്സത്തിന് കാരണമായത്.

Tree falls on railway tracks in Kozhikode and Aluva Trains running late in the state