കോഴിക്കോട്: ബാലുശ്ശേരി നന്മണ്ട 14 ൽ കാറും ഓട്ടോറിക്ഷയും ലോറിയും കൂട്ടിയിടിച്ചുണ്ടായ അപകടത്തിൽ ആറു പേർക്ക് പരുക്ക്. ഓട്ടോയിൽ സഞ്ചരിച്ച ആറ് പേർക്കാണ് പരുക്കേറ്റത്. ഇവർ പേരാമ്പ്ര ചെമ്പ്ര സ്വദേശികളാണ്. പരുക്കേറ്റവരെ ആശുപത്രിയിലേക്ക് മാറ്റി. ഇവരുടെ നില ​ഗുരുതരമെന്നാണ് വിവരം.

ഇന്ന് വൈകുന്നേരമുണ്ടായ അപകടത്തിൽ മൂന്ന് വാഹനങ്ങളും തമ്മിൽ കൂട്ടിയിടിക്കുകയായിരുന്നു. ഇടിയുടെ ആഘാതത്തിൽ ഓട്ടോറിക്ഷ ഭാ​ഗികമായി തകരുകയും യാത്രക്കാർക്ക് പരുക്കേൽക്കുകയും ചെയ്യുകയായിരുന്നു. ഓടിക്കൂടിയ നാട്ടുകാരാണ് ആദ്യം രക്ഷാപ്രവ‍ർത്തനം നടത്തിയത്. അപകടത്തിൽപെട്ട കാറിനും വലിയ കേടുപാടുകൾ സംഭവിച്ചിട്ടുണ്ട്. അപകടത്തിൻ്റെ കാരണം വ്യക്തമല്ല. സംഭവ സ്ഥലത്തെത്തിയ പൊലിസ് കേസെടുത്ത് അന്വേഷണം ആരംഭിച്ചു.

A severe collision involving a car, an auto-rickshaw, and a lorry in Balussery left six people injured, with all victims reported to be in serious condition. Emergency services responded promptly, and the injured were rushed to nearby hospitals for treatment. Authorities are investigating the cause of the accident.