ദോഹ: ഖത്തറിൽ ഈ വർഷം നടക്കുന്ന ഫിഫ അണ്ടർ-17 ലോകകപ്പ് 2025, ഫിഫ അറബ് കപ്പ് ഖത്തർ 2025 എന്നിവയുടെ നടത്തിപ്പിന് വളണ്ടിയർ ആകാൻ ആഗ്രഹമുള്ളവർ അപേക്ഷിക്കാം. ടൂർണമെൻ്റിൻ്റെ ഓർഗനൈസിംഗ് കമ്മിറ്റി (എൽഒസി) ആണ് വളണ്ടിയർ പ്രോഗ്രാമിനുള്ള രജിസ്ട്രേഷൻ പ്രക്രിയ ആരംഭിച്ചത്. യഥാക്രമം നവംബർ, ഡിസംബർ മാസങ്ങളിൽ ആണ് രണ്ട് ടൂർണമെൻ്റും നടക്കുന്നത്. 

 ടൂർണമെന്റ്, മീഡിയ പ്രവർത്തനങ്ങൾ, കാണികളുടെ സേവനങ്ങൾ, അക്രഡിറ്റേഷൻ, ഹോസ്പിറ്റാലിറ്റി, അതിലേറെയും ഉൾപ്പെടെ 30 റോളുകളിലായി ഏകദേശം 4,000 വളണ്ടിയർമാരെ ആണ് തിരഞ്ഞെടുക്കുക.

 കഴിഞ്ഞ ദശകത്തിൽ ഞങ്ങൾ സംഘടിപ്പിച്ച എല്ലാ പ്രധാന ടൂർണമെന്റുകളുടെയും ഹൃദയമിടിപ്പ് വളണ്ടിയർമാരാണെന്നും അവർ പരിപാടികളുടെ പ്രവർത്തനങ്ങളിൽ മാത്രമല്ല, ആരാധകരുമായും അതിഥികളുമായും ഞങ്ങളുടെ സമ്പന്നമായ സംസ്കാരവും പ്രശസ്തമായ ആതിഥ്യമര്യാദയും പങ്കിടുന്നതിലും നിർണായക പങ്ക് വഹിക്കുന്നുവെന്നും ഓർഗനൈസിംഗ് കമ്മിറ്റി സിഇഒ ജാസിം അൽ ജാസിം പറഞ്ഞു.

 

യോഗ്യത

വളണ്ടിയർ ആകാൻ ആഗ്രഹിക്കുന്നവർക്ക് താഴെ പറയുന്ന യോഗ്യതകൾ ആവശ്യമാണ്: 

* അപേക്ഷകർ ഖത്തറിലെ താമസക്കാരായിരിക്കണം.

* കുറഞ്ഞത് 18 വയസ്സ് പ്രായമുണ്ടായിരിക്കണം.

 * ഇംഗ്ലീഷിൽ നല്ല പ്രാവീണ്യം ഉണ്ടായിരിക്കണം (അറബിക് പോലുള്ള അധിക ഭാഷകളെക്കുറിച്ചുള്ള അറിവ് ഒരു ബോണസാണ്).

* ടൂർണമെന്റിന് മുമ്പുള്ള പരിശീലന സെഷനുകൾ ഉൾപ്പെടെ അവർ തിരഞ്ഞെടുക്കപ്പെടുന്ന ടൂർണമെന്റിന്റെ കാലയളവിൽ ഖത്തറിൽ ഉണ്ടായിരിക്കണം.

* മുൻ പരിചയം ആവശ്യമില്ല. 

* അപേക്ഷകർ ടീം വർക്കിൽ അഭിനിവേശമുള്ളവരും പോസിറ്റീവ് മനോഭാവം പുലർത്തുന്നവരുമായിരിക്കണം.

* രണ്ട് ഇവൻ്റിനും കൂടി ഒരു അപേക്ഷ മതി.

രജിസ്റ്റർ ചെയ്യേണ്ട വിധം

https://volunteer.fifa.com/invite/qatar2025 എന്ന സൈറ്റ് മുഖേന ആണ് apply ചെയ്യേണ്ടത്. 

 രജിസ്ട്രേഷൻ ലിങ്ക് രണ്ടാഴ്ചത്തേക്ക് ഓപൺ ആയിരിക്കും.

ജൂണിൽ ആണ് തിരഞ്ഞെടുപ്പ് നടക്കുക. ലുസൈൽ സ്റ്റേഡിയത്തിൽ സ്ഥിതി ചെയ്യുന്ന വോളണ്ടിയർ റിക്രൂട്ട്‌മെന്റ് സെന്ററിൽ നേരിട്ടുള്ള അഭിമുഖങ്ങൾ നടക്കും. ഖത്തറിൽ നടന്ന ഫിഫ ഇവന്റുകളിൽ മുൻ പരിചയമുള്ള വളണ്ടിയർമാരെ അഭിമുഖ ഘട്ടത്തിൽ നിന്ന് ഒഴിവാക്കും. 

 ലഭ്യത, പ്രൊഫൈൽ പൊരുത്തപ്പെടുത്തൽ, പ്രവർത്തന ആവശ്യങ്ങൾ എന്നിവയെ അടിസ്ഥാനമാക്കിയായിരിക്കും തിരഞ്ഞെടുപ്പ്.

വളണ്ടിയർമാർക്ക് ലഭിക്കുന്ന ആനുകൂല്യങ്ങൾ 

* അവരുടെ റോളുകൾക്കായി തയ്യാറെടുക്കുന്നതിനുള്ള പരിശീലനം

* ഔദ്യോഗിക വളണ്ടിയർ യൂണിഫോം

* അവരുടെ ഷിഫ്റ്റുകളിൽ ഭക്ഷണം നൽകുന്നു 

* പരിപാടി നടക്കുന്ന സ്ഥലങ്ങളിലേക്കും തിരിച്ചും സൗജന്യ പൊതുഗതാഗതം

* പ്രത്യേക സമ്മാനങ്ങളും മറ്റും

* സൗഹൃദങ്ങൾ വളർത്തിയെടുക്കാനും പുതിയ കഴിവുകൾ വികസിപ്പിക്കാനുമുള്ള അവസരങ്ങൾ

Applications open for Qatar 2025 FIFA Volunteer Programme