പാലക്കാട്: അട്ടപ്പാടിയില്‍ ആദിവാസി യുവാവിനെ വിവസ്ത്രനാക്കി പോസ്റ്റില്‍ കെട്ടിയിട്ട് മര്‍ദ്ദിച്ച കേസില്‍ രണ്ട് പ്രതികള്‍ പിടിയില്‍. അകോയമ്പത്തൂരില്‍ നിന്നാണ് ഇവരെ കസ്റ്റഡിയിലെടുത്തത്. അഗളി പൊലീസാണ് കസ്റ്റഡിയിലെടുത്തിരിക്കുന്നത്. എന്നാല്‍ എഫ്.ഐ.ആറില്‍ പ്രതികളുടെ പേര് രേഖപ്പെടുത്തിയിട്ടില്ലെന്നാണ് വിവരം. അറസ്റ്റ് രേഖപ്പെടുത്തിയ ശേഷം കൂടുതല്‍ വിവരങ്ങള്‍ പുറത്തുവിടുമെന്ന് അഗളി ഡി.വൈ.എസ്.പി അറിയിച്ചു. 

അഗളി ചിറ്റൂര്‍ ആദിവാസി ഊരിലെ ഷിബു (19)നാണ് മര്‍ദ്ദനമേറ്റത്. മദ്യപിച്ച് വാഹനത്തിന് മുന്നില്‍ വീണെന്ന് ആരോപിച്ചായിരുന്നു ഡ്രൈവറും ക്ലീനറും ചേര്‍ന്ന് മര്‍ദ്ദിച്ചത്. ഷിബുവിന്റെ ദേഹമാസകലം പരുക്കേറ്റു. നിലവില്‍ ഷിബുവിനെ കോട്ടത്തറ ട്രൈബല്‍ സ്പെഷ്യാലിറ്റി ആശുപത്രിയില്‍ ചികിത്സയിലാണ്.

മെയ് 24നായിരുന്നു സംഭവം. മദ്യപിച്ച് ബോധരഹിതനായി വാഹനത്തിന് മുന്നിലേക്ക് വീണെന്ന് ആരോപിച്ച് മര്‍ദ്ദിക്കുകയായിരുന്നു. വസ്ത്രങ്ങള്‍ ഊരിമാറ്റിയായിരുന്നു മര്‍ദ്ദനം. സംഭവത്തിന്‍ ദൃശ്യങ്ങള്‍ പുറത്തുവന്നു.

 മദ്യപിച്ച് റോഡില്‍ നില്‍ക്കുകയായിരുന്ന യുവാവ് ഇതുവഴി വന്ന വാഹനം തടഞ്ഞെന്നും പിന്നാലെ വാഹനത്തിന്റെ ചില്ല് കല്ലെറിഞ്ഞ് തകര്‍ത്തെന്നും പിന്നാലെയാണ് മര്‍ദനമെന്നുമാണ് പൊലിസ് പറഞ്ഞത്. 

A 19-year-old tribal youth named Shibu was allegedly stripped and brutally assaulted by a driver and cleaner in Attappadi, Palakkad. The incident occurred on May 24, and two suspects have been taken into custody by Agali Police. The victim is currently receiving treatment at Kottathara Tribal Specialty Hospital.