ദുബൈ: ദുല്‍ഹിജ്ജ മാസപ്പിറവി ദൃശ്യമായതോടെ ഹജ്ജ് കര്‍മങ്ങള്‍ക്കുള്ള ഒരുക്കത്തിലാണ് സഊദി. എന്നാല്‍ പെരുന്നാള്‍ ആഘോഷിക്കാനുള്ള തയ്യാറെടുപ്പിലാണ് യുഎഇ അടക്കമുള്ള മറ്റ് ഗള്‍ഫ് രാജ്യങ്ങള്‍. 

ജൂണ്‍ ആറിനാണ് ഗള്‍ഫ് രാജ്യങ്ങളില്‍ ബലിപെരുന്നാള്‍. നാല് ദിവസമാണ് യുഎഇയില്‍ ഇത്തവണ ബലിപെരുന്നാള്‍ അവധി. വാര്‍ഷിക അവധിയും കൂടി ഉപയോഗപ്പെടുത്തി 9 ദിവസം മുതല്‍ 16 ദിവസം വരെ അവധി നീട്ടാനാണ് പല പ്രവാസികളുടയും പദ്ധതി. എന്നാല്‍ വിമാനടിക്കറ്റ് നിരക്ക് കുത്തനെ ഉയര്‍ന്നതിനാല്‍ വലിയൊരു വിഭാഗം പ്രവാസികളും ബലിപെരുന്നാള്‍ നാട്ടില്‍ ആഘോഷിക്കണോ വേണ്ടയോ എന്ന ചിന്തയിലാണ്.

എന്നിരുന്നാലും നേരത്തേ തന്നെ ടിക്കറ്റ് ബുക്ക് ചെയ്തവരെല്ലാം നാട്ടിലേക്ക് തിരിക്കാനുള്ള ഒരുക്കത്തിലാണ്. കസാഖ്സ്ഥാന്‍, ഉസ്‌ബെക്കിസ്ഥാന്‍, തജിക്കിസ്ഥാന്‍, അര്‍മീനിയ, ജോര്‍ജിയ എന്നീ രാജ്യങ്ങളലേക്ക് യാത്ര പ്ലാന്‍ ചെയ്തവരുമുണ്ട്. മാതാപിതാക്കള്‍ അടക്കമുള്ള ബന്ധുക്കളെ നാട്ടില്‍ നിന്നും ഗള്‍ഫിലേക്ക് കൊണ്ടുവന്ന് ഗള്‍ഫില്‍ വെച്ച് ബലിപെരുന്നാള്‍ ആഘോഷിക്കാന്‍ പ്ലാന്‍ ചെയ്തവരുമുണ്ട്. 

ഖത്തര്‍
ഖത്തറില്‍ ജൂണ്‍ അഞ്ച് മുതല്‍ ഒമ്പതു വരെ 5 ദിവസത്തെ അവധി പ്രഖ്യാപിച്ചിട്ടുണ്ട്. 

സഊദി അറേബ്യ
ജൂണ്‍ 5 മുതല്‍ 10 വരെ 6 ദിവസത്തെ അവധിയാണ് സഊദി എക്‌സ്‌ചേഞ്ച് (താവുല്‍) പ്രഖ്യാപിച്ചിട്ടുള്ളത്.

ഒമാന്‍
ഒമാനില്‍ ജൂണ്‍ 5 വ്യാഴാഴ്ച മുതല്‍ ജൂണ്‍ 9 തിങ്കളാഴ്ച വരെ ബലിപെരുന്നാള്‍ അവധിയായിരിക്കുമെന്ന് പ്രഖ്യാപിച്ചിട്ടുണ്ട്. 

കുവൈത്ത്
കുവൈത്തില്‍ ജൂണ്‍ അഞ്ച് മുതല്‍ ഒമ്പത് വരെ 5 ദിവസത്തെ അവധി പ്രഖ്യാപിച്ചിട്ടുണ്ട്. അവധി കഴിഞ്ഞ് സര്‍ക്കാര്‍ സ്ഥാപനങ്ങള്‍ ജൂണ്‍ പത്തു മുതല്‍ തുറന്നു പ്രര്‍ത്തിക്കും.

Eid al-Adha 2025 could bring up to 16 days off in Gulf countries with smart holiday planning. Check the Eid holiday calendar and maximize your break across the UAE, Saudi Arabia, and more.