റാസല്‍ഖൈമ: സമൂഹ മാധ്യമത്തിലൂടെ വ്യാജ വിവരങ്ങള്‍ പ്രചരിപ്പിച്ച ഏഴു പേര്‍ റാസല്‍ഖൈമയില്‍ അറസ്റ്റില്‍. പൊതുജനങ്ങളെ അസ്വസ്ഥപ്പെടുത്തുന്നതും സാമൂഹിത സുരക്ഷയ്ക്ക് ഭീഷണി സൃഷ്ടിക്കുന്നതും തെറ്റായതും തെറ്റിദ്ധരിപ്പിക്കുന്നതുമായ വിവരങ്ങള്‍ സോഷ്യല്‍ മീഡിയയിലൂടെ പ്രചരിപ്പിച്ചതിനാണ് ഇവരെ അറസ്റ്റു ചെയ്തതെന്ന് റസാല്‍ഖൈമ പൊലിസ് അറിയിച്ചു. 

ഹോട്ടല്‍ കേന്ദ്രീകരിച്ച് ഭിക്ഷാടന പ്രവര്‍ത്തനം; 41 അംഗ സംഘത്തെ പിടികൂടി ദുബൈ പൊലിസ്

ഈ വര്‍ഷം തുടക്കം മുതല്‍ ഇവരുടെ സോഷ്യല്‍ മീഡിയാ അക്കൗണ്ടുകള്‍ നിരീക്ഷിച്ചു വരികയായിരുന്നുവെന്ന് പൊലിസ് പറഞ്ഞു. 

തെറ്റായ വിവരങ്ങള്‍, തെറ്റായ അവകാശവാദങ്ങള്‍, സാമൂഹിക വിഷയങ്ങളെക്കുറിച്ചുള്ള അതിശയോക്തിപരമായ വ്യാഖ്യാനങ്ങള്‍ എന്നിവ അടങ്ങിയ വീഡിയോ ക്ലിപ്പുകളും പോസ്റ്റുകളും പ്രതികള്‍ സമൂഹ മാധ്യമങ്ങളിലൂടെ പങ്കിട്ടതായും പൊലിസ് അറിയിച്ചു. ഒന്നിലധികം ഡിജിറ്റല്‍ പ്ലാറ്റ്ഫോമുകളിലൂടെ പ്രചരിപ്പിച്ച ഉള്ളടക്കം പൊതുജനവിശ്വാസം തകര്‍ക്കുകയും സാമൂഹിക ഐക്യത്തെ തകര്‍ക്കുകയും ചെയ്തതായാണ് കണക്കാക്കപ്പെടുന്നത്.

തെറ്റായ വിവരങ്ങളും പ്രാദേശിക കാര്യങ്ങളുമായി ബന്ധപ്പെട്ട സ്ഥിരീകരിക്കാത്ത അവകാശവാദങ്ങളും പോസ്റ്റുകളില്‍ ഉള്‍പ്പെടുന്നുവെന്ന് ജനറല്‍ ഡിപ്പാര്‍ട്ട്മെന്റ് ഓഫ് ഇലക്ട്രോണിക് ഇന്‍വെസ്റ്റിഗേഷന്‍സ് വ്യക്തമാക്കി. പങ്കിട്ട ഉള്ളടക്കം നിയമപരമായ മാനദണ്ഡങ്ങള്‍ ലംഘിക്കുക മാത്രമല്ല, പൊതു സുരക്ഷയ്ക്കും ക്രമസമാധാനത്തിനും അപകടങ്ങള്‍ സൃഷ്ടിക്കുന്നുണ്ടെന്നും അധികാരികള്‍ പറഞ്ഞു.

അടിയന്തിര വാഹനങ്ങള്‍ക്ക് വഴി നല്‍കിയില്ല; യുഎഇയില്‍ 325 ഡ്രൈവര്‍മാര്‍ക്ക് 3,000 ദിര്‍ഹം പിഴ ചുമത്തി

വൈറല്‍ ഉള്ളടക്കത്തിന് പിന്നിലെ ഉറവിടങ്ങള്‍ തിരിച്ചറിയുന്നതില്‍ ഇലക്ട്രോണിക് നിരീക്ഷണവും കമ്മ്യൂണിറ്റി റിപ്പോര്‍ട്ടുകളും പ്രധാന പങ്ക് വഹിച്ചതായി റാസല്‍ഖൈമ പൊലിസ് പറഞ്ഞു. പ്രതികള്‍ക്കെതിരെ നിയമനടപടി സ്വീകരിക്കുന്നതിന് മുമ്പ് പ്രത്യേക സംഘങ്ങള്‍ അക്കൗണ്ടുകള്‍ നിരീക്ഷിക്കുകയും ഇടപെടലുകള്‍ ട്രാക്ക് ചെയ്യുകയും തെളിവുകള്‍ ശേഖരിക്കുകയും ചെയ്തിരുന്നു.

Authorities in Ras Al Khaimah have arrested seven individuals for circulating fake news on social media, reinforcing the UAE's strict cybercrime and misinformation laws.