തിരുവനന്തപുരം: കൊച്ചി തീരത്ത് മുങ്ങിയ എംഎസ്‌സി എൽസി 3 കപ്പൽ അപകടം സംസ്ഥാന ദുരന്തമായി സംസ്ഥാന സർക്കാർ പ്രഖ്യാപിച്ചു. കപ്പലിൽ നിന്നും ചോർന്നേക്കാവുന്ന ഇന്ധനവും രാസവസ്തുക്കളും അടങ്ങിയ കണ്ടെയ്നറുകൾ പരിസ്ഥിതിക്ക് വലിയ ഭീഷണിയായി മാറും എന്നതിനാലാണ് ഈ തീരുമാനം.

കണ്ടെയ്നറുകൾ തകരാറിലാകുന്നതോ, കപ്പലിൽ നിന്ന് എണ്ണച്ചോർച്ച ഉണ്ടാകുന്നതോ വഴി മീൻവളർത്തൽ മേഖലകളും സമുദ്രജീവജാലവും ദ്രുതഗതിയിൽ അപകടത്തിലാകാനുള്ള സാധ്യത കൂടൂതലാണ് എന്നാണ് അധികൃതരുടെ മുന്നറിയിപ്പ്. അപകടം നിലവിൽ പാരിസ്ഥിതിക അടിയന്തരാവസ്ഥ സൃഷ്ടിച്ചേക്കാമെന്ന മുന്നറിയിപ്പ് അടിസ്ഥാനമാക്കിയാണ് സംസ്ഥാന ദുരന്ത പ്രഖ്യാപനം.

സംഭവത്തെ തുടർന്ന്, പരിസ്ഥിതി, മത്സ്യബന്ധന, തുറമുഖ വകുപ്പ് അടക്കം വിവിധ സർക്കാർ ഏജൻസികൾ സംയുക്തമായി സാഹചര്യ നിരീക്ഷണത്തിലേർപ്പെട്ടിട്ടുണ്ട്. ദുരന്ത നിവാരണ അതോറിറ്റി, തീരദേശ പൊലീസും രക്ഷാപ്രവർത്തനത്തിൽ സജീവമാണ്.

സംസ്ഥാനത്തെ തീരദേശ മേഖലകളിലും മത്സ്യബന്ധന പ്രവർത്തനങ്ങളിലും നിയന്ത്രണങ്ങൾ ഏർപ്പെടുത്തിയേക്കുമെന്നാണ് സൂചന. കേന്ദ്ര ഏജൻസികളുമായി ചേർന്ന് പരിസ്ഥിതി സ്വാധീനങ്ങളുടെ പഠനത്തിന് വിദഗ്ധ സമിതിയും രൂപീകരിക്കാൻ സർക്കാർ നീക്കം തുടങ്ങി.

വ്യാവസായിക സുരക്ഷയും ഭാവിയിലുണ്ടാകാവുന്ന അപകട സാധ്യതകളും കണക്കിലെടുത്ത്, കപ്പൽ ഗതാഗതം കൂടുതൽ കർശനമായി നിയന്ത്രിക്കാൻ സാധ്യതയുണ്ട്.

The Kerala government has declared the MSC LC3 shipwreck off the Kochi coast a state disaster, citing serious environmental threats. The ship, which carried containers with hazardous chemicals and fuel, sank near the coastline, raising fears of oil spills and marine pollution. Authorities are on high alert as the incident poses a potential threat to marine life, coastal ecosystems, and the local fishing industry. Joint efforts by disaster management, coastal police, and environmental agencies are underway to contain the situation.