ദുബൈ: യുഎഇയില്‍ താമസിക്കുന്ന പ്രവാസി ഫിലിപ്പിനോ തൊഴിലാളികള്‍ക്ക് സൗജന്യ മെഡിക്കല്‍ പരിശോധനാ സൗകര്യം ഒരുക്കുമെന്ന് ഫിലിപ്പീന്‍സ് ഡിപ്പാര്‍ട്ട്‌മെന്റ് ഓഫ് മൈഗ്രന്റ് വര്‍ക്കേഴ്‌സ് (DMW). ആക്‌സിയോണ്‍ ഫണ്ട് വഴിയാകും ഫിലിപ്പിനോ തൊഴിലാളികള്‍ക്ക് സൗജന്യ മെഡിക്കല്‍ പരിശോധന ഏര്‍പ്പെടുത്തുക. 

12 ഇനം സാധനങ്ങൾക്ക് ഈ വിമാനത്താവളത്തിൽ വിലക്ക്; നാട്ടിൽ നിന്നുള്ള ല​ഗേജ് സൂക്ഷിച്ചില്ലെങ്കിൽ, ചിലപ്പോൾ പണികിട്ടും

ഫിലിപ്പൈന്‍സിലെ ചില ക്ലിനിക്കുകള്‍ക്കെതിരെയുള്ള ആരോപണങ്ങളെക്കുറിച്ചും മെഡിക്കല്‍ പരിശോധനകളിലെ ക്രമക്കേടുകളെക്കുറിച്ചും വിശദീകരിക്കുന്നതിനിടയില്‍ ഡിഎംഡബ്ല്യൂ മന്ത്രി ഹാന്‍സ് ലിയോയാണ് ഇക്കാര്യം അറിയിച്ചത്.

വിദേശത്ത് അടിയന്തിര ആവശ്യമുള്ള ഓവര്‍സീസ് ഫിലിപ്പിനോ തൊഴിലാളികള്‍ക്കുള്ള (OFW) പ്രധാന സാമ്പത്തിക സഹായ സംവിധാനമായ ആക്‌സിയോണ്‍ ഫണ്ട് മുഖേനയാകും സൗജന്യ മെഡിക്കല്‍ ചെക്കപ്പെന്നും ലിയോ കൂട്ടിച്ചേര്‍ത്തു.

തൊഴിലാളികള്‍ വിദേശത്തേക്ക് പോകുമ്പോഴും സ്വദേശത്തേക്ക് വരുന്നതിനു മുമ്പും അവരുടെ പതിവ് ആരോഗ്യ നിരീക്ഷണവും ഹാന്‍സ് ലിയോ ഉറപ്പുനല്‍കി.

ലോകമെമ്പാടുമായി ഏകദേശം 15 ദശലക്ഷം ഫിലിപ്പിനോ വിദേശ തൊഴിലാളികള്‍ ഉണ്ടെന്നാണ് കണക്കാക്കപ്പെടുന്നത്. യുഎഇയിലും ഫിലിപ്പിനോകളുടെ വലിയ സാന്നിധ്യമുണ്ട്. 700,000-ത്തിലധികം ഫിലിപ്പിനോ പൗരന്മാര്‍ യുഎഇയില്‍ ഉണ്ടെന്നാണ് കരുതപ്പെടുന്നത്. ഇവരില്‍ ഏകദേശം 450,000 പേര്‍ ദുബായിലാണ് താമസിക്കുന്നത്.

യുഎഇയിലെ സോഷ്യല്‍ മീഡിയാ ഇന്‍ഫ്‌ളുവന്‍സര്‍മാര്‍ ഒരാഴ്ച കൊണ്ട് ഒരു ലക്ഷം ദിര്‍ഹം വരെ സമ്പാദിക്കുന്നത് ഇങ്ങനെ

കഴിഞ്ഞ വര്‍ഷം ഫിലിപ്പീന്‍സിലേക്ക് വിദേശ തൊഴിലാളികള്‍ 38.34 ബില്യണ്‍ ഡോളറാണ് അയച്ചത്. 2023ല്‍ രേഖപ്പെടുത്തിയ 37.21 ബില്യണ്‍ ഡോളറില്‍ നിന്ന് 3 ശതമാനം വര്‍ധനവാണ് 2024ല്‍ രേഖപ്പെടുത്തിയത്. യുഎസ്, സിംഗപ്പൂര്‍, ജപ്പാന്‍, യുകെ, യുഎഇ എന്നിവിടങ്ങളില്‍ നിന്നുള്ളവര്‍ ഇതില്‍ ഉള്‍പ്പെടുന്നു.

Expatriates from a specific country will now benefit from free medical check-ups in the UAE, as part of a new health initiative aimed at improving community well-being and preventive care.