സഊദി അറേബ്യയിലേക്ക് വരുന്ന പ്രവാസികള്‍ക്ക് മുന്നറിയിപ്പുമായി ജിദ്ദ ഇന്റര്‍നാഷണല്‍ എയര്‍പോര്‍ട്ട് അധികൃതര്‍.  യാത്രക്കാരുടെ സുരക്ഷ ഉറപ്പാക്കുന്നതിനായി 12 ഇനം സാധനങ്ങള്‍ക്ക് വിമാനത്താവളത്തില്‍ നിരോധനം ഏര്‍പ്പെടുത്തിയിട്ടുണ്ട്. ജിദ്ദ വിമാനത്താവളം വഴി സൗദിയിലെത്തുന്നവരെയാണ് ഈ നിയമം കൂടുതലായി ബാധിക്കുക.

നിരോധിത വസ്തുക്കള്‍

1) എല്ലാത്തരം മയക്കുമരുന്നുകളും മദ്യവും.

2) നിയമവിരുദ്ധമായ പ്രവര്‍ത്തനങ്ങള്‍ക്കോ ചാരവൃത്തിക്കോ ഉപയോഗിക്കാവുന്ന ഇലക്ട്രോണിക് ഉപകരണങ്ങള്‍ (ഉദാ: ക്യാമറ ഘടിപ്പിച്ച കണ്ണടകള്‍, പേനകള്‍)

3) സുഗന്ധ ഇ-പൈപ്പുകള്‍, 

4) പോക്കര്‍ പോലുള്ള ഗെയിമുകള്‍.  

5) ചൂതാട്ടത്തിനുള്ള സാമഗ്രികള്‍, 

6) അസംസ്‌കൃത സ്വര്‍ണ്ണം, 

7) വിലയേറിയ ലോഹങ്ങള്‍

8) മാന്ത്രിക സാധനങ്ങള്‍, 

9) കച്ചവട ആവശ്യത്തിന് അമിതമായില കൊണ്ടുവരുന്ന ഭക്ഷ്യ സാധനങ്ങള്‍

10) ശക്തമായ ലേസര്‍ ഉപകരണങ്ങള്‍

11) ലൈംഗിക ഉപകരണങ്ങള്‍

12) വ്യാജ നോട്ടുകള്‍/നാണയങ്ങള്‍

സുഗമമായ യാത്രക്കായി എല്ലാ യാത്രക്കാരും അധികൃതരുമായി സഹകരിക്കണമെന്ന് വിമാനത്താവളം അഭ്യര്‍ത്ഥിച്ചു. സഊദിയിലേക്കുള്ള യാത്രക്കാര്‍ നാട്ടില്‍ നിന്ന് വരുമ്പോള്‍ സുഹൃത്തുക്കള്‍ക്കോ ബന്ധുക്കള്‍ക്കോ ആയി കൊണ്ടുപോകുന്ന പാക്കറ്റുകളില്‍ നിരോധിത വസ്തുക്കള്‍ ഇല്ലെന്ന് ഉറപ്പാക്കണം. അശ്രദ്ധയാല്‍ ലഗേജിലോ കൈവശമോ ഇവ ഉള്‍പ്പെട്ടാല്‍ കടുത്ത നിയമനടപടികള്‍ നേരിടേണ്ടതായി വരുമെന്നും അധികൃതര്‍ അറിയിച്ചു.

Jeddah International Airport has imposed strict restrictions on 12 categories of items for travelers arriving in Saudi Arabia. Prohibited items include drugs, alcohol, gambling tools, spy gadgets, raw gold, and more. Authorities warn passengers to thoroughly check their luggage to avoid legal issues. This advisory is especially crucial for expatriates traveling from India and other countries. Stay informed to ensure a smooth journey!