ഇസ്തംബൂള്‍: വിമാനം പൂര്‍ണമായും നിര്‍ത്തുന്നതിന് മുമ്പ് എഴുന്നേല്‍ക്കുകയോ ഓവര്‍ഹെഡ് ബിന്നുകള്‍ തുറക്കുകയോ പിഴ ചുമത്തുമെന്ന് തുര്‍ക്കി. ഇത്തരം പ്രവര്‍ത്തികള്‍ ചെയ്യുന്ന യാത്രക്കാര്‍ക്ക് 70 ഡോളറാകും ചുമത്തുക. അക്ഷമരായ യാത്രക്കാരെ ക്ഷമയുള്ളവരാക്കി മാറ്റാന്‍ ലക്ഷ്യമിട്ടാണ് തുര്‍ക്കി പുതിയ നിയമം നടപ്പാക്കാന്‍ ഒരുങ്ങുന്നത്. 

വിമാനക്കമ്പനികള്‍ ഇതേക്കുറിച്ച് യാത്രക്കാര്‍ക്ക് മുന്നറിയിപ്പ് നല്‍കണമെന്ന് തുടര്‍ന്നും നിയമലംഘനങ്ങള്‍ ഉണ്ടാവുകയാണെങ്കില്‍ വിമാനക്കമ്പനികള്‍ റിപ്പോര്‍ട്ട് ചെയ്യണമെന്നും തുര്‍ക്കി ഡയറക്ടറേറ്റ് ജനറല്‍ ഓഫ് സിവില്‍ ഏവിയേഷന്‍ (ഡിജിസിഎ) ഉത്തരവിട്ടു. 

"ഇന്ത്യയിലേക്ക് 299 ദിർഹം മാത്രം, ഒന്നെടുത്താൽ ഒന്ന് ഫ്രീ, EMI സൗകര്യം.."; ബലി പെരുന്നാളിനോടനുബന്ധിച്ചു നാട്ടിലെത്താൻ വമ്പൻ ഓഫറുകൾ പ്രഖ്യാപിച്ചു വിമാനക്കമ്പനികൾ | Mega Flight Ticket Offers

വര്‍ദ്ധിച്ചുവരുന്ന സുരക്ഷാ ആശങ്കകളും യാത്രക്കാര്‍ വിമാനം നിര്‍ത്തുന്നതിന് മുമ്പ് തന്നെ എഴുന്നേല്‍ക്കുന്നതു മൂലമുണ്ടാകുന്ന പ്രശ്‌നങ്ങളും പരിഗണിച്ചാണ് തുര്‍ക്കിയുടെ നീക്കം. ലഗേജുകള്‍ വീവുന്നതും ഇടനാഴി തടസ്സപ്പെടുന്നതും മൂലം യാത്രക്കാര്‍ക്ക് പരുക്കേല്‍ക്കാന്‍ സാധ്യതയുണ്ടെന്ന് ഡിജിസിഎ മുന്നറിയിപ്പ് നല്‍കി. 

പ്രതിവര്‍ഷം ദശലക്ഷണക്കിന് യാത്രക്കാര്‍ എത്തുന്ന പ്രമുഖ ടൂറിസം കേന്ദ്രം എന്ന നിലയില്‍ തുര്‍ക്കിയുടെ നടപടി സ്വാഗതാര്‍ഹമാണെന്ന് വ്യോമമേഖലയിലെ വിദഗ്ധര്‍ വ്യക്തമാക്കി. 

വിമാനം പൂര്‍ണ്ണമായും നിര്‍ത്തി സീറ്റ് ബെല്‍റ്റ് അടയാളം ഓഫാക്കുന്നതുവരെ യാത്രക്കാര്‍ സീറ്റ് ബെല്‍റ്റുകള്‍ ഉറപ്പിച്ച് ഇരിക്കേണ്ടതുണ്ട്. ഓവര്‍ഹെഡ് കമ്പാര്‍ട്ടുമെന്റുകള്‍ തുറക്കുന്നതും ഇടനാഴിയില്‍ തിരക്ക് കൂട്ടുന്നതും നിരോധിച്ചിരിക്കുന്നു. നിയമലംഘകരെ അധികാരികള്‍ക്ക് റിപ്പോര്‍ട്ട് ചെയ്യുകയും പിഴ ചുമത്തുകയും ചെയ്യും.

ലോകത്തെ വൃത്തിയും ശുദ്ധിയുമുള്ള വിമാനത്താവളമായി ബഹ്‌റൈന്‍ ഇന്റര്‍നാഷനല്‍ എയര്‍പോര്‍ട്ട് | Bahrain International Airport
 
എന്‍ഡിടിവി റിപ്പോര്‍ട്ട് പ്രകാരം ഇന്ത്യയില്‍ ഈ പ്രശ്‌നം വളരെ സാധാരണമാണ്. വിമാനം താഴേക്ക് ഇറങ്ങുമ്പോള്‍ തന്നെ യാത്രക്കാര്‍ പലപ്പോഴും സീറ്റുകളില്‍ നിന്ന് ചാടിയിറങ്ങി ഇടനാഴിയില്‍ തിരക്ക് കൂട്ടാറുണ്ട്. ഇത് വിമാനത്തിനുള്ളില്‍ കുഴപ്പങ്ങള്‍ക്കും കാരണമാകുന്നു. ഡയറക്ടറേറ്റ് ജനറല്‍ ഓഫ് സിവില്‍ ഏവിയേഷന്‍ (ഡിജിസിഎ) ഗുരുതരമായ പെരുമാറ്റത്തിനെതിരെ നിയന്ത്രണങ്ങള്‍ നടപ്പിലാക്കുന്നുണ്ടെങ്കിലും വളരെ അപൂര്‍വമായി മാത്രമേ കര്‍ശനമായ നടപടികള്‍ സ്വീകരിക്കാറുള്ളൂ.

Passengers who stand up before the aircraft has fully stopped may face fines in this country. The new rule targets unnecessary haste and prioritizes passenger safety on arrival.