ദുബൈ: യുഎഇ കാലാവസ്ഥാ വകുപ്പ് നേരത്തെ പ്രവചിച്ചതുപോലെ രാജ്യത്തെ താപനില കുറയുന്നത് തുടരുന്നു. മെയ് 31 ശനിയാഴ്ച ആകാശം ഭാഗികമായി മേഘാവൃതമായിരിക്കുമെന്നും താപനിലയില്‍ കുറവുണ്ടാകുമെന്നും നാഷണല്‍ സെന്റര്‍ ഓഫ് മെറ്റീരിയോളജി പുറത്തിറക്കിയ ബുള്ളറ്റിനില്‍ പറയുന്നു.

ചില സമയങ്ങളില്‍ പൊടിക്കാറ്റ് ഉണ്ടാകാന്‍ സാധ്യതയുണ്ട്. ഇത് ദൃശ്യപരത നഷ്ടപ്പെടുത്താം. കാറ്റിന്റെ വേഗം മണിക്കൂറില്‍ 15-30 കിലോമീറ്ററായിരിക്കും, ചില സമയങ്ങളില്‍ 40 കിലോമീറ്റര്‍ വരെ എത്താം.

അബുദാബിയില്‍ മിക്കവാറും വെയിലായിരിക്കും, യുഎഇ തലസ്ഥാനത്ത് ഉയര്‍ന്ന താപനില 40°C ഉം കുറഞ്ഞത് 28°C ഉം ആയിരിക്കും, ദുബായില്‍ 43°C ഉം കുറഞ്ഞത് 27°C ഉം ആയിരിക്കും. ഷാര്‍ജയിലെ ഉയര്‍ന്ന താപനില 42°C ഉം കുറഞ്ഞത് 28°C ഉം ആയിരിക്കും. ചൂടേറിയ ദിവസങ്ങൾക്കുശേഷം, യുഎഇയക്കാർക്ക് തണുപ്പുള്ള ദിവസങ്ങൾക്കായി കാത്തിരിക്കാമെന്ന് മെയ് 27 ന് NCM പറഞ്ഞിരുന്നു. വരും ദിവസങ്ങളിൽ താപനില നാല് മുതൽ അഞ്ച് ഡിഗ്രി വരെ കുറയാൻ തുടങ്ങുമെന്ന് മുതിർന്ന കാലാവസ്ഥാ നിരീക്ഷകൻ വ്യക്തമാക്കി.

Temperatures across the UAE continue to decline as forecasted by the National Centre of Meteorology. The weather bulletin for Saturday, May 31 predicts partly cloudy skies with a gradual decrease in temperatures. Residents can expect slightly cooler conditions after recent hot spells, particularly in Dubai and other emirates.