സലാല: പ്രവാസി മലയാളി സലാലയില്‍ കുഴഞ്ഞുവീണ് മരിച്ചു. തൃശൂര്‍ ചാവക്കാട് ഒരുമനയൂര്‍ മാട് കറുപ്പന്‍ വീട്ടില്‍ മുഹമ്മദ് ഹനീഫ (55) ആണ് കുഴഞ്ഞുവീണു മരിച്ചത്. ഇന്നലെ രാവിലെ അല്‍ വാദിയിലെ ജോലി സ്ഥലത്ത് വച്ചാണ് മരണം. കരിക്ക് കച്ചവടം ചെയ്തുവരുന്ന ഹനീഫ കടക്ക് സമീപത്തെ റൂമില്‍ വിശ്രമിക്കാന്‍ പോയതായിരുന്നു. ഏറെ നേരം കാണാതായിട്ടും തിരിച്ചുവരാതിരുന്നതോ െകടയിലെ മറ്റു ജീവനക്കാര്‍ നോക്കിയപ്പോഴാണ് മരിച്ച നിലയില്‍ കാണപ്പെട്ടത്.

റോയല്‍ ഒമാന്‍ പൊലീസ് എത്തി തുടര്‍ നടപടികള്‍ സ്വീകരിച്ചു. 25 വര്‍ഷത്തോളമായി ഹനീഫ സലാലയില്‍ പ്രവാസിയായിരുന്നു. ഭാര്യ: ആരിഫ. ഒരു മകനും മകളുമുണ്ട്.

സലാല സുല്‍ത്താന്‍ ഖാബൂസ് ആശുപത്രി മോര്‍ച്ചറിയില്‍ ആണ് മയ്യിത്ത് സൂക്ഷിച്ചിരിക്കുന്നത്. മയ്യിത്ത് നാട്ടില്‍ മറവുചെയ്യും. ഇതിനുള്ള നടപടിക്രമങ്ങള്‍ നീക്കിവരികയാണ്.