മലപ്പുറം: നിലമ്പൂരിലെ യുഡിഎഫ് സ്ഥാനാർത്ഥി ആര്യാടൻ ഷൗക്കത്ത് ഇന്ന് രാവിലെ 11 മണിക്ക് നാമനിർദ്ദേശപത്രിക സമർപ്പിക്കും. നാമനിർദ്ദേശപത്രിക സമർപ്പിക്കുന്നതിന് മുമ്പ് തൃശ്ശൂരിലെ കെ. കരുണാകരൻ സ്മാരകത്തിൽ പ്രാർത്ഥന നടത്തിയ ഷൗക്കത്ത് ആര് എതിർത്താലും നിലമ്പൂരിൽ ചരിത്ര ഭൂരിപക്ഷം നേടുമെന്ന് ആത്മവിശ്വാസം പ്രകടിപ്പിച്ചു.

കോൺഗ്രസിലെ മുതിർന്ന നേതാക്കളാണ് പി.വി. അൻവറിന്റെ കാര്യം ചർച്ച ചെയ്യേണ്ടതെന്നും അവരാണ് ഈ വിഷയത്തിൽ തീരുമാനമെടുക്കുകയെന്നും അദ്ദേഹം വ്യക്തമാക്കി. തന്റെ പിതാവിന്റെ റെക്കോർഡ് ഭൂരിപക്ഷത്തിനൊപ്പമെത്താനുള്ള പരിശ്രമമാണ് താൻ നടത്തുന്നതെന്നും ഷൗക്കത്ത് പറഞ്ഞു. സ്ഥാനാർത്ഥി നിർണയം വൈകിയതിനെക്കുറിച്ചുള്ള ചോദ്യങ്ങൾക്ക് മറുപടി നൽകേണ്ടത് സിപിഎമ്മാണെന്നും അദ്ദേഹം പറഞ്ഞു. ഇതിനു മുമ്പ് രണ്ട് തവണ മാത്രമാണ് നിലമ്പൂരിൽ പാർട്ടി ചിഹ്നത്തിൽ സ്ഥാനാർത്ഥി ഉണ്ടായിട്ടുള്ളു എന്നും ഷൗക്കത്ത് മാധ്യമങ്ങളോട് വ്യക്തമാക്കി. 

മറുവശത്ത്, ഇടതുപക്ഷ സ്ഥാനാർത്ഥി എം. സ്വരാജ് ഇന്ന് മണ്ഡലത്തിലെത്തും. രാവിലെ 10:30 ന് നിലമ്പൂർ റെയിൽവേ സ്റ്റേഷനിൽ എത്തുന്ന സ്വരാജിന് വലിയ സ്വീകരണം നൽകാനാണ് ഇടതുമുന്നണി പ്രവർത്തകർ പദ്ധതിയിടുന്നത്. ഉച്ചയ്ക്ക് ശേഷം മണ്ഡലത്തിൽ അദ്ദേഹത്തിന്റെ റോഡ് ഷോ നടക്കും. യുഡിഎഫുമായി സഹകരിക്കാനുള്ള പി.വി. അൻവറിന്റെ തീരുമാനവും ഇന്ന് ഉണ്ടാകുമെന്ന് പ്രതീക്ഷിക്കുന്നു. എന്നാൽ ഇതുവരെ എൻഡിഎ മണ്ഡലത്തിലെ തങ്ങളുടെ സ്ഥാനാർത്ഥി പ്രഖ്യാപനം നടത്തിയിട്ടില്ല.

UDF candidate Aryadan Shoukath will file his nomination papers today in Nilambur, expressing confidence in securing a historic majority despite opposition. Meanwhile, LDF's M. Swaraj is set to campaign in the constituency, with both parties gearing up for a high-stakes battle in Malappuram.