മ്യൂണിക്കിലെ അലിയൻസ് അറീനയിൽ നടന്ന യുവേഫ ചാംപ്യൻസ് ലീഗ് ഫൈനലിൽ ഫ്രഞ്ച് ക്ലബ് പി എസ് ജി (Paris Saint-Germain) ചരിത്രവിജയം. ഇറ്റാലിയൻ കരുത്തരായ ഇന്റർ മിലാനെ എതിരില്ലാത്ത 5-0 ഗോളിന് തകർത്താണ് പി എസ് ജി തങ്ങളുടെ കന്നി ചാംപ്യൻസ് ലീഗ് കിരീടം ഉയർത്തിയത്.ചാംപ്യൻസ് ലീഗ് ഫൈനൽ മത്സര ചരിത്രത്തിലെ ഏറ്റവും വലിയ വിജയത്തിലൂടെ കന്നി കിരീടം സ്വന്തമാക്കിയിരിക്കുകയാണ് പി എസ് ജി.

പി എസ്‌ ജിക്കായി അഷറഫ് ഹക്കിമി (12'), ഡിസൈർ ഡൗ (20', 63'), ക്വിച്ച ഖ്വാരസ്കേലിയ (73'), സെന്നി മയൂലു (86') എന്നിവരാണ് ഇന്ററിന്റേ വല കുലുക്കിയത്.മത്സരത്തിന്റെ തുടക്കം മുതലേ പിഎസ്‌ജി ശക്തമായ ആധിപത്യം ‌കളിയിൽ സ്ഥാപിച്ചിരുന്നു. പന്ത് കൈവശം വയ്ക്കൽ, സ്‌ട്രാറ്റജിക് പാസുകൾ, ആക്രമണ ഊർജ്ജം എന്നിവയിലുടനീളം പിഎസ്‌ജി ഇന്റർ മിലാന് ഏറെ മുന്നിലായിരുന്നു. 60 ശതമാനം സമയം പന്ത് പിഎസ്‌ജിയുടെ പിടിയിലായിരുന്നു. 23 ഷോട്ടുകൾ ഗോളിനെതിരായി അവർ പായിച്ചു, അതിൽ പലതും ലക്ഷ്യം കണ്ടെത്തുകയും ചെയ്തു.

മത്സരത്തിന്റെ ആദ്യ പകുതിയിൽ തന്നെ 2-0ന് പിഎസ്‌ജി മുന്നിലെത്തി. രണ്ടാം പകുതിയിലും അതേ ആവേശം തുടർന്നു, ഒടുവിൽ 86-ാം മിനിറ്റിൽ നേടിയ അഞ്ചാമത്തെ ഗോൾ ഫൈനലിന്റെ ചരിത്രപരമായ സമാപനമായി.

ഈ ജയം ഫുട്ബോൾ ചരിത്രത്തിൽ പി എസ് ജിയെ പുതിയ തലത്തിലേക്ക് ഉയർത്തിയിരിക്കുന്നു. നിരവധി വർഷങ്ങളായി കിരീടത്തിന് വേണ്ടി പോരാടിയ ഫ്രഞ്ച് ക്ലബ്ബ്, ഒടുവിൽ യൂറോപ്യൻ ഫുട്ബോളിന്റെ ഏറ്റവും വലിയ കിരീടം സ്വന്തമാക്കിയിരിക്കുകയാണ്.

Paris Saint-Germain (PSG) secured their first-ever UEFA Champions League title with a historic 5-0 win over Inter Milan in the final held at Allianz Arena, Munich. PSG dominated the match with goals from Achraf Hakimi, Desire Doue (2), Khvicha Kvaratskhelia, and Senny Mayulu. This is the biggest margin of victory in a Champions League final, marking a landmark achievement for the French club.