യുവേഫ ചാംപ്യൻസ് ലീഗ് കിരീടം സ്വന്തമാക്കിയ ശേഷം പിഎസ്‌ജി പരിശീലകന്‍ ലൂയിസ് എൻറിക്വെ വികാരഭരിതനായി. അഞ്ചുവർഷം മുമ്പ് ക്യാൻസർ ബാധിച്ച് ഒൻപതാം വയസിൽ മരിച്ചു പോയ മകൾ സനയെക്കുറിച്ചുള്ള ചോദ്യം അദ്ദേഹത്തെ വേദനയിലാഴ്ത്തുകയായിരുന്നു.

“മകൾ എപ്പോഴും എനിക്കൊപ്പമുണ്ട്. കുടുംബത്തിൽ ഇന്നും സനയുടെ സാന്നിധ്യമാണ് ഞങ്ങൾക്ക് ശക്തി നൽകുന്നത്. ഞാൻ എപ്പോഴും അവളുടെ സാന്നിധ്യം അനുഭവിക്കുന്നു,” ചാമ്പ്യൻസ് ലീഗ് വിജയത്തിന് ശേഷം എൻറിക്വെ പ്രതികരിച്ചു.

ഇറ്റാലിയൻ ക്ലബ് ഇന്റർ മിലാനെ തകർത്ത് പി എസ് ജി ചരിത്രത്തിലാദ്യമായി യൂറോപ്യൻ കിരീടം സ്വന്തമാക്കിയതോടെയാണ് ഈ വാക്കുകൾ എൻറിക്വെയിൽ വികാരഭരിതനായി പറഞ്ഞത്. അദ്ദേഹത്തിന്റെ മരിച്ച മകൾ സനയുടെ ഓർമ്മയ്ക്കായി ആരാധകർ മ്യൂണിക്കിലെ സ്റ്റേഡിയത്തിൽ വമ്പൻ ടിഫോ ബാനർ ഉയർത്തിയതും എൻറിക്വെയെ ഇമോഷനലാക്കി.

"ആരാധകർ എന്റെ കുടുംബത്തെക്കുറിച്ച് വരെ ഓർക്കുന്നത് വളരെ സ്‌നേഹപൂർണമാണ്. പക്ഷേ, സനയെ ഓർക്കാൻ എനിക്ക് ചാമ്പ്യൻസ് ലീഗ് കിരീടത്തിന്റേയോ മറ്റോന്നിന്റേയോ ആവശ്യമില്ല. അവൾ എപ്പോഴും എന്റെ മനസ്സിലുണ്ട്,” അദ്ദേഹം വ്യക്തമാക്കി.

2015ലെ ചാമ്പ്യൻസ് ലീഗ് ഫൈനലിൽ യുവെന്റസിനെ തോൽപ്പിച്ച് ബാഴ്സലോണയുടെ പരിശീലകനായിരിക്കെ എൻറിക്വെ കിരീടം നേടിയിരുന്നു. ആ ഫൈനലിന് ശേഷം ബെർലിനിലെ സ്റ്റേഡിയത്തിൽ മകൾ സനയുമൊത്ത് അദ്ദേഹമെടുത്ത ഒരു ചിത്രം ലോകമെമ്പാടും പ്രചാരിച്ചിരുന്നു. ആ തത്സമയ ചിത്രമാണ് ഇപ്പോൾ പിഎസ്‌ജി ആരാധകർ മ്യൂണിക്കിൽ ബാനറിലൂടെ വീണ്ടും ഓർത്തെടുത്തത്.

Following PSG’s historic UEFA Champions League win over Inter Milan, coach Luis Enrique became emotional remembering his late daughter Xana, who passed away from cancer at age 9. A giant tribute banner featuring a photo of Enrique with Xana was displayed by fans in Munich, deeply moving the coach. “My daughter is always with me. I don’t need a trophy to remember her,” he said, thanking fans for their touching gesture.