കുവൈത്ത് സിറ്റി: കുവൈത്തിലെ അബു ഹലീഫ പ്രദേശത്തെ ഒരു റെസിഡൻഷ്യൽ അപ്പാർട്ട്മെന്റിൽ വെള്ളിയാഴ്ച വൈകിട്ട് പാചകവാതക ചോർച്ച മൂലമുണ്ടായ സ്ഫോടനത്തെ തുടർന്ന് തീപിടിത്തം സംഭവിച്ചു. മംഗഫ്, ഫഹാഹീൽ ഫയർ സ്റ്റേഷനുകളിൽ നിന്നുള്ള അഗ്നിശമന സേനകൾ സമയബന്ധിതമായി എത്തി തീ നിയന്ത്രണ വിധേയമാക്കിയതിനാൽ തീ സമീപ അപ്പാർട്ട്മെന്റുകളിലേക്ക് പടരുന്നത് തടയാൻ സാധിച്ചു. സംഭവത്തിൽ ഒരാൾക്ക് പരിക്കേറ്റതായി അധികൃതർ അറിയിച്ചു. പരിക്കേറ്റ വ്യക്തിക്ക് ഉടൻ തന്നെ പ്രാഥമിക ചികിത്സ നൽകി, തുടർന്ന് ആവശ്യമായ മെഡിക്കൽ, നിയമ നടപടികൾക്കായി ബന്ധപ്പെട്ട അധികാരികൾക്ക് കൈമാറി. കുവൈത്ത് ഫയർ ഫോഴ്‌സ് നടത്തിയ പ്രാഥമിക അന്വേഷണത്തിൽ, പാചകവാതക സിലിണ്ടറിൽ നിന്നുള്ള ചോർച്ചയാണ് തീപിടിത്തത്തിന് കാരണമായതെന്ന് സ്ഥിരീകരിച്ചു.

Kuwait: Fire breaks out in apartment in Abu Khalifa; one injured