അലിയൻസ് അരീന: ഇറ്റാലിയൻ വമ്പൻമാരായ ഇന്റർ മിലാനെ എതിരില്ലാത്ത അഞ്ച് ഗോളുകൾക്ക് പരാജയപ്പെടുത്തി പാരീസ് സെയ്ന്റ് ജെർമെയ്ൻ യുവേഫ ചാമ്പ്യൻസ് ലീഗ് കിരീടം സ്വന്തമാക്കിയിരിക്കുകയാണ്. പിഎസ്ജിയുടെ ചരിത്രത്തിലെ ആദ്യ ചാമ്പ്യൻസ് ലീഗ് കിരീടമാണിത്. ഇതോടെ ഈ സീസണിൽ ട്രബിൾ കിരീടം സ്വന്തമാക്കാനും  പിഎസ്ജിക്ക് സാധിച്ചു. യുവേഫ ചാമ്പ്യൻസ് ലീഗിന് പുറമേ ലീഗ് വൺ കിരീടം, ഫ്രഞ്ച് സൂപ്പർ കപ്പ് എന്നീ കിരീടങ്ങളും എൻറിക്വയുടെ കീഴിൽ പാരീസ് സ്വന്തമാക്കി. 

ഇതോടെ പിഎസ്ജി പരിശീലകൻ ലൂയിസ് എൻടറിക്വ ഒരു തകർപ്പൻ നേട്ടമാണ് സ്വന്തമാക്കിയത്. രണ്ട് വ്യത്യസ്ത ക്ലബ്ബുകൾക്കൊപ്പം കിരീടം നേടുന്ന രണ്ടാമത്തെ പരിശീലകനായി മാറാനാണ് എൻറിക്വക്ക് സാധിച്ചത്. 2014-15 സീസണിൽ സ്പാനിഷ് കുമ്പന്മാരായ ബാഴ്സലോണക്കൊപ്പമാണ്‌ ഇതിനുമുമ്പ് എൻറിക്വ ട്രബിൾ കിരീടം സ്വന്തമാക്കിയത്. ഈ നേട്ടത്തിൽ എത്തിയ ആദ്യ പരിശീലകൻ പെപ് ഗ്വാർഡിയോളയാണ്. ബാഴ്സലോണ,  മാഞ്ചസ്റ്റർ സിറ്റി എന്നീ ടീമുകൾക്കൊപ്പം ആയിരുന്നു ഗ്വാർഡിയോള ട്രെബിൾ കിരീട നേട്ടം കൈവരിച്ചത്. കറ്റാലൻമാർക്കൊപ്പം 2008-09 സീസണിലും മാഞ്ചസ്റ്റർ സിറ്റിക്കൊപ്പം 2022-23 സീസണിലും ആയിരുന്നു ഗ്വാർഡിയോള ട്രബിൾ കിരീടം സ്വന്തമാക്കിയത്.

പിഎസ്‌ജിക്കായി അഷറഫ് ഹക്കിമി (12'), ഡിസൈർ ഡൗ (20', 63'), ക്വിച്ച ഖ്വാരസ്കേലിയ (73'), സെന്നി മയൂലു (86') എന്നിവരാണ് ഇന്ററിന്റേ വല കുലുക്കിയത്.മത്സരത്തിന്റെ തുടക്കം മുതലേ പിഎസ്‌ജി ശക്തമായ ആധിപത്യം ‌കളിയിൽ സ്ഥാപിച്ചിരുന്നു. പന്ത് കൈവശം വയ്ക്കൽ, സ്‌ട്രാറ്റജിക് പാസുകൾ, ആക്രമണ ഊർജ്ജം എന്നിവയിലുടനീളം പിഎസ്‌ജി ഇന്റർ മിലാന് ഏറെ മുന്നിലായിരുന്നു. 60 ശതമാനം സമയം പന്ത് പിഎസ്‌ജിയുടെ കൈവശം ആയിരുന്നു. 23 ഷോട്ടുകൾ ഗോളിനെതിരായി അവർ പായിച്ചു, അതിൽ പലതും ലക്ഷ്യം കണ്ടെത്തുകയും ചെയ്തു.

മത്സരത്തിന്റെ ആദ്യ പകുതിയിൽ തന്നെ 2-0ന് പിഎസ്‌ജി മുന്നിലെത്തി. രണ്ടാം പകുതിയിലും അതേ ആവേശം തുടർന്നു, ഒടുവിൽ 86-ാം മിനിറ്റിൽ അഞ്ചാം ഗോളും നേടിയതോടെ പിഎസ്ജി തങ്ങളുടെ ചരിത്രത്തിലെ ആദ്യ കിരീടം സ്വന്തമാക്കുകയായിരുന്നു. 

luis enrique create historical record in club football