സാഹസികതയുള്ള വിഡിയോകളാണ് സോഷ്യല്‍ മീഡിയയില്‍ ട്രന്റാവുന്നത്. അതിനു വേണ്ടി തന്നെയാണ് മനുഷ്യരെ അദ്ഭുതപ്പെടുത്തുകയും ഞെട്ടിക്കുകയും ചെയ്യുന്ന വിഡിയോസ് പലരും സോഷ്യല്‍ മിഡിയയില്‍ പോസ്റ്റ് ചെയ്യുന്നതും നമ്മള്‍ ദിവസവും കാണുന്നതും. പാമ്പുകളും മൃഗങ്ങളുമൊക്കെയാണ് താരങ്ങള്‍. ഭയമൊട്ടുമില്ലാതെ പാമ്പുകളുടെ കൂടെ ഇടപഴകുന്ന ഒരു യുവാവിന്റെ വിഡിയോയാണ് തരംഗമായിരിക്കുന്നത്. ഇതൊക്കെ എങ്ങനെയാണ് ഇവര്‍ ചെയ്യുന്നതെന്ന് ചോദിച്ചു പോകും കണ്ടാല്‍. 

രാജവെമ്പാലയുടെ പത്തിയില്‍ മുത്തം കൊടുക്കുകയാണ് ഒരു യുവാവ്. അയാള്‍ക്ക് ഒട്ടും ഭയമില്ല. പാമ്പിനെ ചേര്‍ത്തു നിര്‍ത്തി അതിന്റെ പത്തിയിലാണ് ചുംബിക്കുന്നത്. നല്ല  അനുസരണയുള്ള കുട്ടിയെ പോലെ പാമ്പ് നില്‍ക്കുന്നുമുണ്ട്. സോഷ്യല്‍ മീഡിയയില്‍ ഈ യുവാവിനെ ചിലര്‍ ധൈര്യശാലി എന്ന് വിളിക്കുന്നു. എന്നാല്‍, യുവാവ് കാണിക്കുന്നത് വിഡ്ഢിത്തവും അപകടവുമാണെന്നു ചൂണ്ടിക്കാട്ടാനും ആളുകള്‍ മറന്നില്ല. അത്തരത്തിലുള്ള കമന്റ് നല്‍കിയവരാണ് കൂടുതല്‍ പേരും. 

സ്‌നേക്ക് സൊഹൈല്‍ എന്ന യൂസറാണ് വിഡിയോ ഷെയര്‍ ചെയ്തിരിക്കുന്നത്. 'സ്‌നേക്ക് കിങ്, ഇത് അനുകരിക്കരുത്' എന്നു പറഞ്ഞാണ് യുവാവ് ഈ വിഡിയോ സോഷ്യല്‍ മീഡിയയില്‍ പോസ്റ്റ് ചെയ്തിരിക്കുന്നത്. 

വിഡിയോയില്‍ ഇയാള്‍ പല പാമ്പുകളുയെും തൊട്ടടുത്ത് പോകുന്നതും രാജവെമ്പാലയുടെ പത്തിയില്‍ ചുംബിക്കുന്നതുമാണ് കാണിക്കുന്നത്. ഒന്നിലധികം പാമ്പുകളെ വിഡിയോയില്‍ യുവാവിന്റെ ചുറ്റുമായി കാണാം. പാമ്പുകള്‍ അവിടെ നിന്നും ഇഴഞ്ഞുപോവാന്‍ ശ്രമിക്കുന്നുണ്ടെങ്കിലും പറ്റുന്നില്ല. യുവാവ് പാമ്പു പിടിത്തക്കാരനാണ് എന്നാണ് കാരുതുന്നത്.  യുവാവിനെ ധൈര്യശാലി എന്ന് വിശേഷിപ്പിച്ചവരാണ് കുറേയാളുകള്‍. യുവാവിന്റെ പ്രവൃത്തി വളരെ അധികം അപകടം പിടിച്ചതാണെന്നും ആളുകള്‍ അഭിപ്രായപ്പെടുന്നു.