ന്യൂഡൽഹി: ജി സെവൻ (G 7) ഉച്ചകോടിയിൽ പങ്കെടുക്കാനുള്ള കനേഡിയൻ പ്രധാനമന്ത്രി മാർക്ക് കാർണിയുടെ ക്ഷണത്തിന് നന്ദി അറിയിച്ച് പ്രധാനമന്ത്രി നരേന്ദ്ര മോദി. 

"കനേഡിയൻ പ്രധാനമന്ത്രി @MarkJCarny യിൽ നിന്നും കോൾ ലഭിച്ചതിൽ സന്തോഷം. അടുത്തിടെ നടന്ന തിരഞ്ഞെടുപ്പ് വിജയത്തിന് അദ്ദേഹത്തെ അഭിനന്ദിക്കുകയും, ഈ മാസം അവസാനം കനനാസ്കിസിൽ നടക്കുന്ന G7 ഉച്ചകോടിയിലേക്ക് ക്ഷണിച്ചതിന് നന്ദി പറയുകയും ചെയ്തു. ഇന്ത്യയും കാനഡയും പരസ്പര ബഹുമാനവും പങ്കിട്ട താൽപ്പര്യങ്ങളും മുൻനിർത്തി ഒരുമിച്ച് പുതിയ ഉണർവോടെ പ്രവർത്തിക്കും. ഉച്ചകോടിയിൽ വെച്ചുള്ള കൂടിക്കാഴ്ചയ്ക്കായി കാത്തിരിക്കുന്നു". പ്രധാനമന്ത്രി ഒരു എക്സ് പോസ്റ്റിൽ വ്യക്തമാക്കി.  

Glad to receive a call from Prime Minister @MarkJCarney of Canada. Congratulated him on his recent election victory and thanked him for the invitation to the G7 Summit in Kananaskis later this month. As vibrant democracies bound by deep people-to-people ties, India and Canada…

— Narendra Modi (@narendramodi) June 6, 2025

കാനഡയിലെ ഖാലിസ്ഥാൻ വിഘടനവാദികളുടെ പ്രവർത്തനങ്ങൾ ഉൾപ്പെടെയുള്ള നിരവധി വിഷയങ്ങളുമായി ബന്ധപ്പെട്ട് ജസ്റ്റിൻ ട്രൂഡോ സർക്കാരിന്റെ കാലത്ത് ഇന്ത്യയും കാനഡയുമായുള്ള ബന്ധം വഷളായിരുന്നു.

ലോകത്തിലെ പ്രമുഖ വ്യാവസായിക രാജ്യങ്ങളായ ഫ്രാൻസ്, ജർമ്മനി, ഇറ്റലി, യുണൈറ്റഡ് കിംഗ്ഡം, ജപ്പാൻ, യുണൈറ്റഡ് സ്റ്റേറ്റ്സ്, കാനഡ എന്നിവയുടെ ഒരു അനൗപചാരിക ഗ്രൂപ്പാണ് G7. യൂറോപ്യൻ യൂണിയനും (EU) ഉച്ചകോടിയിൽ പങ്കെടുക്കുന്നുണ്ട്. കൂടാതെ, അന്താരാഷ്ട്ര നാണയ നിധി (IMF), ലോക ബാങ്ക്, ഐക്യരാഷ്ട്രസഭ തുടങ്ങിയ സംഘടനകളെയും ഉച്ചകോടിയിലേക്ക് ക്ഷണിച്ചിട്ടുണ്ട്.

ജൂൺ 15 മുതൽ 17 വരെ കാനഡ ആതിഥേയത്വം വഹിക്കുന്ന ഉച്ചകോടിയിൽ, റഷ്യ-ഉക്രെയ്ൻ സംഘർഷവും പശ്ചിമേഷ്യയിലെ സാഹചര്യവും ഉൾപ്പെടെയുള്ള ആഗോള തലത്തിലെ പ്രധാന വെല്ലുവിളികൾ ചർച്ചയാകുമെന്നാണ് പ്രതീക്ഷിക്കുന്നത്.

Prime Minister Narendra Modi expressed gratitude to Canadian Prime Minister Mark Carney for inviting him to the G7 Summit in New Delhi, highlighting the strengthening of India-Canada ties and India's participation in global discussions.