മാഡ്രിഡ്: യുവേഫ മേഷന്‍സ് ലീഗിന്റെ ഫൈനലിലേക്ക് മുന്നേറി സ്‌പെയിന്‍. സെമി ഫൈനലിലെ ഗ്ലാമര്‍ പോരാട്ടത്തില്‍ കരുത്തരായ ഫ്രാന്‍സിനെ നാലിനെതിരെ അഞ്ചു ഗോളുകള്‍ക്ക് പരാജയപ്പെടുത്തിയാണ് സ്‌പെയിനിന്റെ ഫൈനല്‍ പ്രവേശനം. ഞായറാഴ്ച നടക്കുന്ന കലാശപ്പോരില്‍ സ്‌പെയിന്‍ പോര്‍ച്ചുഗലിനെ നേരിടും.

ALSO READ: ഇന്റർ മിലാനെതിരെ സാമ്പത്തിക തട്ടിപ്പ് ആരോപണം; വിലക്കിനോ, തരംതാഴ്ത്തലിനോ സാധ്യത

22-ാം മിനുട്ടില്‍ നിക്കോ വില്യംസിന്റെ ഗോളിലൂടെ ലീഡ് എടുത്ത സ്പാനിഷ് ടീം മൂന്ന് മിനുട്ടിനകം ലീഡ് ഉയര്‍ത്തി. മൈക്കല്‍ മെറീനോയാണ് സ്‌പെയിനായി രണ്ടാമത്തെ ഗോള്‍ നേടിയത്. 

54-ാം മിനുട്ടില്‍ ലാമിന്‍ യമാലും പെനല്‍ട്ടി ഗോളും 55-ാം മിനുട്ടില്‍ പെഡ്രിയും സ്‌പെയിനായി രണ്ടാം പകുതിയുടെ തുടക്കത്തില്‍ തന്നെ ഗോള്‍ നേടി. 67-ാം മിനുട്ടില്‍ വീണ്ടും ഗോള്‍ നേടികോണ്ട് യമാല്‍ സ്‌പെയിനെ സുരക്ഷിതമായ നിലയില്‍ എത്തിച്ചു. 

പിന്നീട് കളിയിലേക്ക് തിരിച്ചുവന്ന ഫ്രാന്‍സിന്റെ പോരാട്ടവീര്യമാണ് നേഷന്‍സ് ലീഗിന്റെ രണാടം സെമി ഫൈനല്‍ സാക്ഷ്യം വഹിച്ചത്. 

59-ാം മിനുട്ടില്‍ കിലിയന്‍ എംബപ്പെയും 79-ാം മിനുട്ടില്‍ റയാന്‍ ചെര്‍ക്കിയും അധികസമയത്ത് രണ്ടല്‍ കോലോ മുയാനിയുമാണ് ഫ്രാന്‍സിനായി ലക്ഷ്യം കണ്ടത്.  84-ാം മിനുട്ടില്‍ സ്‌പെയിന്റെ ഡാനി വിവിയന്റെ സെല്‍ഫ് ഗോള്‍ കൂടിച്ചേര്‍ന്നതോടെ ഫ്രാന്‍സിന്റെ തോല്‍വിഭാരം കുറഞ്ഞു.  

ALSO READ: 296 വിജയ ഗോളുകൾ; അമ്പരിപ്പിക്കുന്ന പ്രകടനങ്ങളുമായി റൊണാൾഡോയുടെ കുതിപ്പ്

കളിയുടെ അവസാന നിമിഷങ്ങളില്‍ സമനില ഗോളിനായി ഫ്രാന്‍സ് ശക്തമായ സമ്മര്‍ദം ചെലുത്തിയെങ്കിലും സ്‌പെയിന്റെ പ്രതിരോധനിര ഉറച്ചുനിന്നു. കഴിഞ്ഞ ദിവസം നടന്ന ആദ്യ സെമിയില്‍ ജര്‍മനിയെ ഒന്നിനെതിരെ രണ്ട് ഗോളിന് തോല്‍പ്പിച്ച പോര്‍ച്ചുഗലാണ് കലാശപ്പോരില്‍ സ്‌പെയിന്റെ എതിരാളികള്‍.

In a goal-packed showdown, Spain secured a 5-4 win to enter the Nations League final. The match, filled with drama and relentless attacks, will be remembered for its rain of goals and excitement.