യുവേഫ നേഷൻസ് ലീഗിന്റെ ഫൈനൽ പോരാട്ടത്തിൽ നിലവിലെ യൂറോ കപ്പ് ചാമ്പ്യന്മാരായ സ്പെയിനും ക്രിസ്റ്റ്യാനോ റൊണാൾഡോയുടെ പോർചുഗലിനെയുമാണ് നേരിടുന്നത്. ജൂൺ ഒമ്പതിനാണ് ഫൈനൽ പോരാട്ടം നടക്കുന്നത്.

ഈ മത്സരത്തിന് മുന്നോടിയായി പോർച്ചുഗീസ് സൂപ്പർതാരം ക്രിസ്റ്റ്യാനോ റൊണാൾഡോയെ നേരിടാൻ പോവുന്നതിനെക്കുറിച്ച് സംസാരിക്കുകയാണ് സ്പാനിഷ് ഗോൾ കീപ്പർ ഉനൈ സൈമൺ. റൊണാൾഡോ മികച്ച താരമാണെന്നും എന്നാൽ ഫൈനലിൽ ഗോൾ നേടില്ലെന്നുമാണ് സൈമൺ പറഞ്ഞത്. സിആർ സെവൻ ടൈം ലൈനിനു നൽകിയ അഭിമുഖത്തിലാണ് സ്പാനിഷ് ഗോൾകീപ്പർ ഇക്കാര്യം പറഞ്ഞത്. 

ഫുട്ബോളിനായി പലതും ത്യജിച്ചതിന്റെ ദൈനംദിന ജീവിതത്തിന്റെ ഒരു ഉദാഹരണമാണ് റൊണാൾഡോ. നാല്പതാം വയസ്സിലുള്ള ക്രിസ്റ്റ്യാനോയുടെ നിലവാരത്തിൽ എന്നെ ഞാൻ കാണുന്നില്ല. അദ്ദേഹം ഫുട്ബോളിൽ 1000 ഗോളുകൾ നേടുമെന്ന് ഞാൻ പ്രതീക്ഷിക്കുന്നു.. പക്ഷേ ഈ ഞായറാഴ്ച അദ്ദേഹം ഗോൾ നേടില്ലെന്ന് ഞാൻ കരുതുന്നു'' സ്‌പെയ്ൻ ഗോൾ കീപ്പർ പറഞ്ഞു. 
 
ജർമനിയെ ഒന്നിനെതിരെ രണ്ട് ഗോളുകൾക്ക് വീഴ്ത്തിയാണ് പറങ്കിപ്പട ഫൈനൽ യോഗ്യത ഉറപ്പാക്കിയത്. ജർമ്മനിയുടെ തട്ടകമായ അലിയൻസ് അറീനയിൽ നടന്ന മത്സരത്തിൽ ഒരു ഗോളിന് പിന്നിട്ട് നിന്ന ശേഷമായിരുന്നു പോർച്ചുഗലിന്റെ തിരിച്ചുവരവ്. മത്സരത്തിൽ പോർച്ചുഗലിനായി ക്രിസ്റ്റ്യാനോ റൊണാൾഡോ ആയിരുന്നു വിജയഗോൾ നേടിയത്.

ഫ്രാൻസിനെ കീഴടക്കിയാണ് സ്‌പെയ്ൻ ഫൈനലിലേക്ക് മുന്നേറിയത്. സെമിയിൽ 5-4 എന്ന ത്രില്ലർ സ്കോർ ലൈനിലാണ് സ്പാനിഷ് ടീം ഫ്രാൻസിനെ മറികടന്നത്. ഫ്രാൻസിനെതിരായ മത്സരത്തിൽ 22-ാം മിനുട്ടിൽ നിക്കോ വില്യംസിന്റെ ഗോളിലൂടെയുയാണ് സ്‌പെയ്ൻ ആദ്യം ലീഡ് നേടിയത്. പിനീട് സ്പാനിഷ് ടീം മൂന്ന് മിനുട്ടിനകം ലീഡ് ഉയർത്തി. മൈക്കൽ മെറീനോയാണ് സ്‌പെയിനായി രണ്ടാമത്തെ ഗോൾ നേടിയത്. 54-ാം മിനുട്ടിൽ ലാമിൻ യമാലും പെനൽട്ടി ഗോളും 55-ാം മിനുട്ടിൽ പെഡ്രിയും സ്‌പെയിനായി രണ്ടാം പകുതിയുടെ തുടക്കത്തിൽ തന്നെ ഗോൾ നേടി. 67-ാം മിനുട്ടിൽ വീണ്ടും ഗോൾ നേടികോണ്ട് യമാൽ സ്‌പെയിനെ സുരക്ഷിതമായ നിലയിൽ എത്തിച്ചു. 

പിന്നീട് കളിയിലേക്ക് തിരിച്ചുവന്ന ഫ്രാൻസിന്റെ പോരാട്ടവീര്യമാണ് കാണാൻ സാധിച്ചത്. 59-ാം മിനുട്ടിൽ കിലിയൻ എംബപ്പെയും 79-ാം മിനുട്ടിൽ റയാൻ ചെർക്കിയും അധികസമയത്ത് രണ്ടൽ കോലോ മുയാനിയുമാണ് ഫ്രാൻസിനായി ലക്ഷ്യം കണ്ടത്.  84-ാം മിനുട്ടിൽ സ്‌പെയിന്റെ ഡാനി വിവിയന്റെ സെൽഫ് ഗോൾ കൂടിച്ചേർന്നതോടെ ഫ്രാൻസിന്റെ തോൽവിഭാരം കുറഞ്ഞു.   

Spanish goalkeeper Unai Simon is talking about facing Portuguese superstar Cristiano Ronaldo in the UEFA Nations League final