ദുബൈ: കുവൈത്ത് അന്താരാഷ്ട്ര വിമാനത്താവളത്തിലേക്ക് പുറപ്പെട്ട ഗൾഫ് എയർ വിമാനം ബോംബ് ഭീഷണിയെ തുടർന്ന് സുരക്ഷിതമായി ലാൻഡ് ചെയ്തതായി കുവൈത്തിലെ ഡയറക്ടറേറ്റ് ജനറൽ ഓഫ് സിവിൽ ഏവിയേഷൻ (ഡിജിസിഎ) സ്ഥിരീകരിച്ചു. ലാൻഡ് ചെയ്ത ഉടൻ തന്നെ GF213 എന്ന വിമാനം പൂർണ്ണ സുരക്ഷാ പരിശോധനയ്ക്ക് വിധേയമാക്കുകയും, എല്ലാ യാത്രക്കാരെയും സുരക്ഷിതമായി ഒഴിപ്പിക്കുകയും ചെയ്തു.‌ ആർക്കും പരിക്കുകളില്ലെന്നും ഡിജിസിഎ ഔദ്യോഗിക പ്രസ്താവനയിൽ വ്യക്തമാക്കി.

ALSO READ: മധ്യ അമേരിക്കന്‍ രാജ്യമായ ബെലീസില്‍ നിന്ന് എത്തിയത് ഒരേ ഒരു തീര്‍ഥാടകന്‍

എല്ലാ യാത്രക്കാരെയും പ്രത്യേക ലോഞ്ചിലേക്ക് മാറ്റിയതായും അവരുടെ ആരോഗ്യനില തൃപ്തികരമാണെന്നും ഡിജിസിഎ വക്താവ് അബ്ദുല്ല അൽ മദനി പറഞ്ഞു. യാത്രക്കാരുടെയും ജീവനക്കാരുടെയും സുരക്ഷ ഉറപ്പാക്കുന്നതിനും വിമാനത്തിന് യാതൊരു ഭീഷണിയുമില്ലെന്ന് ഉറപ്പാക്കുന്നതിനുമായി ആഭ്യന്തര മന്ത്രാലയവുമായി ഏകോപിപ്പിച്ച് സുരക്ഷാ നടപടികൾ പൂർത്തിയാക്കി. വ്യാജ ഭീഷണി മുഴക്കിയ വ്യക്തിയെ തിരിച്ചറിഞ്ഞിട്ടുണ്ടെന്നും കസ്റ്റഡിയിലെടുത്തിട്ടുണ്ടെന്നും അധികൃതർ സ്ഥിരീകരിച്ചു. പ്രതിക്കെതിരെ നിയമനടപടികൾ തുടരുകയാണ്.

A Gulf Air flight bound for Kuwait International Airport landed safely after a bomb threat. All passengers were safely evacuated following full security checks. DGCA confirms no injuries reported.