മക്ക: ത്യാഗോജ്ജ്വല സ്മരണ പുതുക്കിയും ആത്മീയവിശുദ്ധി നേടിയും ഈ വർഷത്തെ ഹജ്ജിനു സമാപനം. ലോകത്തിന്റെ വിവിധ ഭാഗങ്ങളിൽ നിന്നുള്ള 17 ലക്ഷത്തോളം തീർ ഥാടകർ സമ്മേളിച്ച ഹജ്ജിൽ ഞായറാഴ്ചയോടെ കല്ലേറ് കർമം പൂർത്തിയാക്കി പകുതിയിലധികം ഹാജിമാരും മിനായിൽ നിന്ന് വിടപറഞ്ഞു.

ബാക്കിയുള്ളവർ ഇന്നു വൈകുന്നേരത്തോടെ അവസാന ദിവസത്തെ കല്ലേറും നിർവഹിച്ചു മിനായിൽ നിന്ന് മടങ്ങും. ഇവി ടെനിന്നു മടങ്ങിയ ഹാജിമാ രിൽ ആഭ്യന്തര തീർഥാടകർ വിദാഇന്റെ ത്വവാഫിനുശേഷം മദീനാ സന്ദർശനവും കഴിഞ്ഞു സ്വദേശങ്ങളിൽ എത്തിച്ചേർന്നു.

വിദേശ ഹാജിമാരിൽ ഹജ്ജിനു മുമ്പ് മദീന -സന്ദർശനം നടത്താത്തവർ മദീനയിലേക്കും സന്ദർശനം പൂർത്തിയാക്കിയവർ സ്വദേശങ്ങളിലേക്കുമുള്ള യാത്രാ ഒരുക്കത്തിലാണ്. വിദേശ ഹാജിമാർ ജിദ്ദ അന്താരാഷ്ട്ര വിമാനത്താവളത്തിലെ ഹജ്ജ് ടെർമിനൽ വഴിയും മദീന വിമാനത്താവള ഹജ്ജ് ടെർമിനൽ വഴിയുമാണ് യാത്ര തിരിക്കുക.

ഇന്ത്യൻ തീർഥാടകരുടെ മടക്കയാത്ര അടുത്ത ദിവസങ്ങളിൽ ആരംഭിക്കും. ആദ്യം പു ണ്യഭൂമിയിൽ വന്നിറങ്ങിയ ഹാജിമാരിൽ മദീന സന്ദർശനം കഴിഞ്ഞവരാണ് മടക്കയാത്രയ്ക്കുള്ള ഒരുക്കങ്ങൾ നടത്തുന്നത്. ബാക്കിയുള്ളവർ മദീന സന്ദർശനത്തിനായുള്ള ഒരുക്കത്തിലാണ്.

ജംറകളിലെ കല്ലേറു കർമങ്ങൾ സമാധാനപരമായാണ് നടന്നത്. മൂന്നാം ദിനമായ ഇന്നലെ കല്ലേറു കർമം പൂർത്തിയാക്കി ഹാജിമാർ വിടവാങ്ങൽ ത്വവാഫിനായി മക്കയിൽ എത്തി. ഇവിടെ കനത്ത തിരക്കാണ് അനുഭവപ്പെട്ടത്. വിടവാങ്ങൽ ത്വവാഫിനു ശേഷമാ ണ് ഹാജിമാർ മക്കയിൽനിന്ന് താമസ സ്ഥലത്തേക്കും അവിടെ നിന്നു സ്വദേശങ്ങളിലേക്കും മടങ്ങുന്നത്.

The sacred Hajj pilgrimage concludes with a focus on spiritual purity, as millions of Muslims complete their journey in Makkah. A profound experience of faith, devotion, and renewal. #Hajj2024 #SpiritualJourney #IslamicPilgrimage