തിരുവനന്തപുരം: ലോകത്തിലെ ഏറ്റവും വലിയ കണ്ടെയ്നർ കപ്പലായ എംഎസ്‍സി ഐറീന ഇന്ന് രാവിലെ 8 മണി‌യോടെ വിഴിഞ്ഞം തുറമുഖത്തെത്തും. കപ്പലിന്റെ ക്യാപ്റ്റൻ തൃശ്ശൂർ സ്വദേശിയായ വില്ലി ആന്റണി ആണ്. ലോകത്തിലെ ഏറ്റവും വലിയ കണ്ടെയ്നർ കപ്പലുകൾ മെഡിറ്റേറിയൻ ഷിപ്പിംഗ് കമ്പനിയുടെ ഐറീന സീരീസിലെ കപ്പലുകളാണ്. ഇതേ സീരീസിലുള്ള എംഎസ്‍സി തുർക്കി, എംഎസ്‍സി മിഷേൽ എന്നീ കപ്പലുകൾ മുമ്പെ തന്നെ വിഴിഞ്ഞം തുറമുഖത്ത് എത്തിയിട്ടുണ്ട്.

2023-ൽ നിർമ്മിച്ച ഈ കപ്പലിന് 400 മീറ്റർ നീളവും 61 മീറ്റർ വീതിയുമുള്ള ഈ കപ്പലിന് 24,000 ചതുരശ്ര മീറ്റർ ഡെക്ക് ഏരിയയുമുണ്ട്. 35 ജീവനക്കാർ ജോലി ചെയ്യുന്ന, 24,346 ടി.ഇ.യു (TEU) കണ്ടെയ്നറുകൾ വഹിക്കാൻ സാധിക്കുന്ന ഈ കപ്പൽ  ദക്ഷിണേഷ്യൻ തുറമുഖങ്ങളിലേക്ക് എത്തുന്നത് ഇതാദ്യമാണ്. ക്യാപ്റ്റനെ കൂടാതെ ക്രൂവിൽ മറ്റൊരു മലയാളിയും ഉണ്ട്. വിഴിഞ്ഞം തുറമുഖത്ത് എത്തുന്ന 347-ാമത് കപ്പലാണ് ഇത്.

സിംഗപ്പൂരിൽ നിന്ന് യാത്ര തിരിച്ച ഈ കപ്പൽ ചൈന, കൊറിയ എന്നിവിടങ്ങളിലേക്ക് സഞ്ചരിച്ച ശേഷം വീണ്ടും സിംഗപ്പൂരിലെത്തി. അതിനുശേഷമാണ് വിഴിഞ്ഞത്ത് എത്തിയത്.

The world’s largest container ship, MSC Irene, arrives at Vizhinjam Port, Kerala, at 8 AM today. Captained by Thrissur-native Willy Antony, this 400-meter-long vessel can carry 24,346 TEUs. Part of MSC’s Irene series, it follows earlier visits by sister ships MSC Turkey and MSC Michel. #VizhinjamPort #MSCIrene #KeralaNews