മലപ്പുറം: പാലൂർക്കോട്ട വെള്ളച്ചാട്ടത്തിലുണ്ടായ അപകടത്തിൽ ഒരാൾ മരിച്ചു. രണ്ട് പേർക്ക് പരുക്ക്. പെരിന്തൽമണ്ണ കടുങ്ങപുരം പാലൂർക്കോട്ട വെള്ളച്ചാട്ടത്തിന്റെ മുകൾഭാഗത്താണ് അപകടമുണ്ടായത്. സംഭവത്തിൽ മൂർക്കനാട് വെങ്ങാട് നായ്പടി സ്വദേശിയായ മുത്തേടത്ത് ശിഹാബുദ്ദീൻ (53) ആണ് മരിച്ചത്. പെരുന്നാൾ അവധിക്ക് വെള്ളച്ചാട്ടം കാണാനെത്തിയപ്പോഴായിരുന്നു ഈ ദുരന്തം സംഭവിച്ചത്.

ദൃക്സാക്ഷികൾ പറയുന്നതനുസരിച്ച്, വെള്ളച്ചാട്ടത്തിന്റെ മുകളിലെ വഴുതിപ്പോകുന്ന പാറക്കെട്ടിലൂടെ ശിഹാബുദ്ദീൻ താഴേക്ക് വീഴുകയായിരുന്നു. അദ്ദേഹം സംഭവസ്ഥലത്തുവച്ച് തന്നെ മരിച്ചു. അപകടത്തിൽ പരുക്കേറ്റ മറ്റ് രണ്ട് പേരെ പെരിന്തൽമണ്ണ അൽഷിഫ ആശുപത്രിയിലും മറ്റൊരാളെ മാലാപ്പറമ്പ് എം.ഇ.എസ്. ആശുപത്രിയിലും ചികിത്സയ്ക്കായി പ്രവേശിപ്പിച്ചു.

ALSO READ: മനഃപൂർവ്വം വീട് പണി വൈകിപ്പിച്ച കൺസ്ട്രക്ഷൻ കമ്പനി 19.34 ലക്ഷം നഷ്ടപരിഹാരം നൽകണം; ഉപഭോക്തൃ കമ്മീഷൻ

സംഭവസ്ഥലത്ത് അടുത്തുണ്ടായിരുന്നവർ പരുക്കേറ്റവരെ ഉടൻ തന്നെ ആശുപത്രിയിലെത്തിച്ചു. സംഭവത്തിന് ശേഷം കൊളത്തൂർ പൊലിസ് സ്ഥലത്തെത്തി അന്വേഷണം ആരംഭിച്ചു. ഈ പ്രദേശത്തെ അപകടസാധ്യതകളെക്കുറിച്ച് സന്ദർശകർ ശ്രദ്ധിക്കണമെന്ന് അധികൃതർ ഓർമ്മപ്പെടുത്തി.

A tragic accident at Paloor Kotta Waterfall in Malappuram resulted in one fatality and two injuries. The victim, identified as Muttethathi Shihabuddin (53) from Vengad, Mookkannur, slipped from the top of the waterfall while visiting during the Perinnal holiday. Authorities urge caution near natural tourist spots.