ദുബൈ: റിവാഖ് ഔഷ എഡ്യുക്കേഷണല്‍ ഇന്‍സ്റ്റിറ്റ്യൂട്ട് ഗ്ലോബല്‍ സി.എസ്.ആര്‍ പദ്ധതി ഭാഗമായി നെബോഷ് സഹകരണത്തോടെയും, നോളജ് ആന്‍ഡ് ഹ്യൂമന്‍ ഡെവലപ്‌മെന്റ് അതോറിറ്റി(കെ.എച്ച്.ഡി.എ), ജനറല്‍ ഡയരക്ടറേറ്റ് ഓഫ് റെസിഡന്‍സി ആന്‍ഡ് ഫോറീനേഴ്‌സ് അഫയേഴ്‌സ് ദുബൈ (ജി.ഡി.ആര്‍.എഫ്.എ.ഡി) എന്നിവയുടെ പിന്തുണയോടെയും യു.എ.ഇയിലുടനീളം സുരക്ഷിതത്വബോധവത്കരണ പരിശീലന പദ്ധതിക്ക് തുടക്കം കുറിച്ചു.
പരിപാടിയുടെ ആദ്യ ഘട്ടമായി അല്‍ നബൂദ കണ്‍സ്ട്രക്ഷന്‍ ഗ്രൂപ്പിലെ 100 തൊഴിലാളികള്‍ക്ക് റിവാഖ് കാംപസ് ഓഡിറ്റോറിയത്തില്‍ സൗജന്യ പരിശീലനം നല്‍കി. 2025–'26 കാലയളവില്‍ രാജ്യത്തെ 3,000 തൊഴിലാളികള്‍ക്ക് പരിശീലനം നല്‍കാനാണ് ഇന്‍സ്റ്റിറ്റ്യൂട്ടിന്റെ ലക്ഷ്യം.

റിവാഖ് ഔഷ എഡ്യുക്കേഷണല്‍ ഇന്‍സ്റ്റിറ്റ്യൂട്ടിന്റെയും കള്‍ച്ചറല്‍ സെന്ററിന്റെയും ചെയര്‍പേഴ്‌സണ്‍ ഡോ. മുആസ ഗുബാഷ് അല്‍ മുഹൈറി പരിപാടി ഔദ്യോഗികമായി ഉദ്ഘാടനം ചെയ്തു. ജി.ഡി.ആര്‍.എഫ്.എ.ഡിയെ പ്രതിനിധീകരിച്ച് പങ്കെടുത്ത മാജിദ്, തൊഴിലാളികളുടെ പങ്കാളിത്തം സജ്ജമാക്കുന്നതില്‍ നിര്‍ണായക പങ്ക് വഹിച്ചു. യു.കെക്ക് പുറത്ത് ആദ്യമായി നടപ്പാക്കുന്ന നെബോഷ് സി.എസ്.ആര്‍ പദ്ധതി (2025 -27) ഭാഗമായാണ് ഈ സംരംഭം.

ഉയര്‍ന്ന അപകട സാധ്യതയുള്ള മേഖലകളില്‍ ജോലി ചെയ്യുന്ന തൊഴിലാളികളില്‍ സുരക്ഷാ ബോധവും അടിയന്തര സാഹചര്യം കൈകാര്യം ചെയ്യാനുള്ള തയാറെടുപ്പും വര്‍ധിപ്പിക്കാന്‍ സഹായിക്കുകയാണ് പദ്ധതി വഴി ലക്ഷ്യമിടുന്നത്. ഫസ്റ്റ് എയ്ഡ്, സി.പി.ആര്‍, എമര്‍ജന്‍സി റെസ്‌പോണ്‍സ്, ഇലക്ട്രിക്കല്‍ സേഫ്റ്റി, ഫയര്‍ ആന്‍ഡ് റെസ്‌ക്യൂ തുടങ്ങിയവയായിരുന്നു പരിശീലന വിഷയങ്ങളില്‍ ഉള്‍പ്പെട്ടിരുന്നത്. പല ഭാഷകളില്‍ ക്ലാസുകള്‍ നടത്തിയത് വിവിധ പശ്ചാത്തലങ്ങളിലുള്ള തൊഴിലാളികള്‍ക്ക് പരിജ്ഞാനം ലഭിക്കാന്‍ സഹായിച്ചു. പരിശീലനം പൂര്‍ത്തിയാക്കിയവര്‍ക്ക് നെബോഷ് അംഗീകൃത സര്‍ട്ടിഫിക്കറ്റും പഠന സാമഗ്രികളും നല്‍കി. ഡോ. അമീന അജ്മല്‍, അജ്മല്‍ ഷംസുദ്ദീന്‍, കൃഷ്ണ നെല്‍, ഇബ്തിഹാല്‍, അലി അലാവി, അബു സാലി ചടങ്ങില്‍ പങ്കെടുത്തു.

തൊഴിലാളികള്‍ക്ക് സൗജന്യ പരിശീലനവും സര്‍ട്ടിഫിക്കേഷനും സംബന്ധമായ വിവരങ്ങള്‍ക്ക് ബന്ധപ്പെടാം: ഫോണ്‍: 971 50 929 9711. ഇമെയില്‍:
[email protected]

As part of the Riwaq Ausha Educational Institute's Global CSR project, in collaboration with NEBOSH and with the support of the Knowledge and Human Development Authority (KHDA) and the General Directorate of Residency and Foreigners Affairs Dubai (GDRFAD), a safety awareness training program has been launched across the UAE.