റാഞ്ചി: ഝാർഖണ്ഡിലെ ഗൊഡ്ഡ ജില്ലയിൽ 17 കാരിയായ ആദിവാസി പെൺകുട്ടിയെ 10 പേർ ചേർന്ന് കൂട്ടബലാത്സംഗത്തിനിരയാക്കി. സംഭവവുമായി ബന്ധപ്പെട്ട് എട്ട് പേരെ പൊലിസ് അറസ്റ്റ് ചെയ്തതായാണ് റിപ്പോർട്ട്. ശനിയാഴ്ച രാത്രിയിലായിരുന്നു  സംഭവമെന്ന് സുന്ദർപഹാരി പൊലിസ് അറിയിച്ചു.

പെൺകുട്ടി കുടുംബത്തോടൊപ്പം വിവാഹത്തിൽ പങ്കെടുക്കാനായി ബന്ധുവീട്ടിലേക്ക് പോയതായിരുന്നു. ചടങ്ങിനിടെ പ്രാഥമിക ആവശ്യങ്ങൾക്കായി പുറത്തിറങ്ങിയപ്പോൾ പ്രതികളിൽ ഒരാൾ അവളെ പിടികൂടി. തുടർന്ന് അവളുടെ വായ മൂടിക്കെട്ടിയ ശേഷം ആളൊഴിഞ്ഞ കെട്ടിടത്തിലേക്ക് കൊണ്ടുപോയി. അവിടെ ഒത്തുചേർന്ന പ്രതികളെല്ലാം ചേർന്ന് പെൺകുട്ടിയെ കൂട്ടബലാത്സം​ഗത്തിന് ഇരയാക്കുകയായിരുന്നു.

പിന്നീട് ഞായറാഴ്ച രാവിലെയോടെ സംഭവസ്ഥലത്ത് നിന്ന് രക്ഷപ്പെട്ട് വീട്ടിലെത്തിയ പെൺകുട്ടി സംഭവത്തെക്കുറിച്ച് വീട്ടുകാരോട് പറഞ്ഞു. വിഷയത്തിൽ ഇടപെട്ട ഗ്രാമപഞ്ചായത്ത് കാര്യങ്ങൾ ഒതുക്കിതീർക്കാൻ ശ്രമിച്ചതോടെ, പെൺകുട്ടിയുടെ കുടുംബം നേരിട്ട് സുന്ദർപഹാരി പൊലിസ് സ്റ്റേഷനിൽ പരാതി നൽകി.

പരാതിയുടെ അടിസ്ഥാനത്തിൽ കേസെടുത്ത പൊലിസ് പത്തു പേർക്കെതിരെ എഫ്ഐആർ രജിസ്റ്റർ ചെയ്തു. ഇതിൽ എട്ട് പേരെ അറസ്റ്റ് ചെയ്യുകയും ചെയ്തു. മറ്റ് രണ്ട് പ്രതികൾക്കായുള്ള തിരച്ചിൽ തുടരുകയാണ്. അതിജീവിതയെ വൈദ്യ പരിശോധനക്ക് വിധേയമാക്കിയിട്ടുണ്ട്.

A 17-year-old tribal girl was allegedly gang-raped by 10 men in Jharkhand's Godda district. Police have arrested eight suspects so far, while the search for the remaining two continues. The incident occurred on Saturday night, according to the Sundar Pahari Police. The victim was attending a wedding when she was abducted and assaulted. Authorities are conducting further investigations, and the survivor has undergone medical examination.