ദുബൈ: യു.എ.ഇയുടെ കിഴക്കന്‍, വടക്കന്‍ പ്രദേശങ്ങളില്‍ ഇന്ന് മഴ പ്രതീക്ഷിക്കാം. ഇന്നലെയും ഇവിടെ മഴ പെയ്തിരുന്നു. ദേശീയ കാലാവസ്ഥാ കേന്ദ്രം (എന്‍.സി.എം) യെല്ലോ അലേര്‍ട്ടും പുറപ്പെടുവിച്ചിട്ടുണ്ട്.
അതേസമയം, ഇന്ന് താപനിലയില്‍ വര്‍ധനയുണ്ടാകും.

10നു ചൊവ്വാഴ്ച രാവിലെയും രാത്രിയിലും ഈര്‍പ്പമുള്ള കാലാവസ്ഥ പ്രതീക്ഷിക്കാം. ചില തീരദേശ, ഉള്‍പ്രദേശങ്ങളില്‍, പ്രത്യേകിച്ച് രാജ്യത്തിന്റെ പടിഞ്ഞാറ് ഭാഗത്ത് മൂടല്‍മഞ്ഞ് രൂപപ്പെടാന്‍ സാധ്യതയുണ്ട്.
ഇന്ന് മണിക്കൂറില്‍ 35 കിലോമീറ്റര്‍ വരെ വേഗത്തില്‍ കാറ്റ് വീശാന്‍ സാധ്യതയുണ്ട്. പകല്‍ സമയത്ത് പൊടിക്കാറ്റുമുണ്ടാകും.

Rain is expected in the eastern and northern regions of the UAE today.