ന്യൂഡൽഹി: എല്ലാ പുതിയ ബോഗികളിലും ഓട്ടോമാറ്റിക് ഡോർ-ക്ലോസിംഗ് സംവിധാനങ്ങൾ ഒരുക്കുമെന്ന് പ്രഖ്യാപിച്ച് ഇന്ത്യൻ റെയിൽവേ. മുംബൈയിലെ സബർബൻ ശൃംഖലയ്ക്കായി നിർമ്മിക്കുന്ന ബോഗികളിലാണ് ഓട്ടോമാറ്റിക് ഡോർ-ക്ലോസിംഗ് സംവിധാനം ഒരുക്കുക. ഓടുന്ന ട്രെയിനുകളിൽ നിന്ന്  യാത്രക്കാർ വീഴുന്നത് തടയാൻ ലക്ഷ്യമിട്ടാണ് പദ്ധതി. ഇന്ന് രാവിലെ താനെ ജില്ലയിലെ ദിവയ്ക്കും മുംബ്ര സ്റ്റേഷനുകൾക്കുമിടയിൽ ഉണ്ടായ അപകടത്തിന്റെ പശ്ചാത്തലത്തിലാണ് പ്രഖ്യാപനം.

മുംബൈയിലെ തിരക്കേറിയ ലോക്കൽ ട്രെയിനുകളിൽ തുറന്ന വാതിലുകൾ മൂലമുണ്ടാകുന്ന അപകടങ്ങൾ തടയുന്നതിനും സുരക്ഷ മെച്ചപ്പെടുത്തുന്നതിനുമാണ് റെയിൽവേയുടെ നീക്കം ലക്ഷ്യമിടുന്നത്. മുംബൈ സബർബൻ ശൃംഖലയിൽ നിലവിൽ സർവീസ് നടത്തുന്ന എല്ലാ റേക്കുകളും പുനർരൂപകൽപ്പന ചെയ്യുമെന്നും റെയിൽവേ ബോർഡ് സ്ഥിരീകരിച്ചു. മുംബൈ സബർബനിലെ നിലവിലുള്ള റേക്കുകളിൽ വാതിൽ അടയ്ക്കൽ സൗകര്യം നൽകുമെന്നും ബോർഡ് കൂട്ടിച്ചേർത്തു. എന്നാൽ, ട്രെയിനിനെ ആശ്രയിക്കുന്ന ജനസംഖ്യക്ക് ആനുപാതികമായി ട്രെയിനുകൾ വർധിപ്പിക്കുന്ന കാര്യത്തിൽ റെയിൽവേ പുതിയ തീരുമാനം എടുത്തിട്ടില്ല.

ALSO READ: മുംബൈയിൽ അതിവേഗ ലോക്കൽ ട്രെയിനിൽ നിന്ന് വീണ് അഞ്ച് മരണം; നിരവധിപേർക്ക് പരുക്ക്

അതേസമയം, തിങ്കളാഴ്ച രാവിലെയാണ് താനെ ജില്ലയിലെ ദിവയ്ക്കും മുംബ്ര സ്റ്റേഷനുകൾക്കുമിടയിൽ തിരക്കേറിയ ലോക്കൽ ട്രെയിനിൽ നിന്ന് വീണ് അഞ്ച് യാത്രക്കാർ മരിക്കുകയും നിരവധി പേർക്ക് പരിക്കേൽക്കുകയും ചെയ്തത്. രാവിലെ 9:30 ഓടെ എതിർ ദിശകളിലേക്ക് പോകുകയായിരുന്ന രണ്ട് ട്രെയിനുകൾ പരസ്പരം മുറിച്ചുകടന്നപ്പോഴാണ് സംഭവം. രണ്ട് ട്രെയിനുകളുടെയും ഫുട്‌ബോർഡുകളിൽ നിന്നിരുന്ന യാത്രക്കാർ ക്രോസിംഗിനിടെ കൂട്ടിയിടിച്ചതിനെത്തുടർന്ന് പലരും ബാലൻസ് നഷ്ടപ്പെട്ട് താഴേക്ക് പതിക്കുകയായിരുന്നു. എട്ട് യാത്രക്കാർ വീണതായും അഞ്ച് പേർ സമീപത്തുള്ള ആശുപത്രികളിൽ എത്തിക്കുമ്പോഴേക്കും മരിച്ചതായും മറ്റുള്ളവർക്ക് പരിക്കേറ്റതായും ഉദ്യോഗസ്ഥർ പറഞ്ഞു. പ്രാഥമിക അന്വേഷണത്തിൽ 13 യാത്രക്കാർ വീണതായി കണ്ടെത്തിയിട്ടുണ്ട്. 

സംഭവത്തിൽ പൊലിസ് അന്വേഷണം ആരംഭിച്ചിട്ടുണ്ട്. അന്വേഷണം പുരോഗമിക്കുന്നതിന് അനുസരിച്ച് കൂടുതൽ വിവരങ്ങൾ ലഭ്യമാകും.

In the wake of a tragic accident this morning between Diva and Mumbra stations in Thane district, Indian Railways has announced that all new train coaches will be equipped with automatic door-closing systems. The new feature will be implemented particularly in coaches manufactured for the Mumbai suburban network.