മസ്‌കത്ത്: ഹൃദയാഘാതം മൂലം മലയാളി ഡോക്ടര്‍ ഒമാനില്‍ മരിച്ചു. മസ്‌കത്ത് ഗൊബ്‌റയിലെ 18ത് നവംബര്‍ സ്ട്രീറ്റില്‍ പ്രവര്‍ത്തിക്കുന്ന കോയമ്പത്തൂര്‍ ആയുര്‍വേദിക് ആശുപത്രിയിലെ ഡോക്ടര്‍ നസീര്‍ (58) ആണ് മരിച്ചത്. തൃശൂര്‍ കരുവന്നൂരില്‍ താമസിക്കുന്ന ഡോ. നസീര്‍, തളിക്കുളം കച്ചേരിപ്പടി സ്വദേശിയാണ്. 

14 വര്‍ഷത്തോളമായി കോയമ്പത്തൂര്‍ ആയുര്‍വേദിക് ആശുപത്രിയുടെ വിവിധ ബ്രാഞ്ചുകളിലായി അദ്ദേഹം സേവനം ചെയ്തുവരികയായിരുന്നു. കരുവന്നൂര്‍തേലപ്പിള്ളിയിലെ പരേതനായ കച്ചേരിപ്പടി വലിയകത്ത് ഇബ്രാഹിംകുട്ടി മാസ്റ്ററുടെയും ബീക്കുട്ടി ടീച്ചറുടെയും മകനാണ്. ഭാര്യ: ഷക്കീല. മക്കള്‍: നജ്മല്‍ നസീം, നിഷാല്‍ നസീം.

ഡോക്ടര്‍ നസീറിന്റെ മയ്യത്ത് നമസ്‌കാരം ഇന്നലെ ഉച്ചയ്ക്ക് 2.45ന് മസ്‌കറ്റ് മെഡിസിറ്റി ആശുപത്രി മോര്‍ച്ചറി പരിസരത്ത് വെച്ച് നടന്നു.

Malayali doctor dies of heart attack in Oman