എമിറേറ്റിലെ 40 സ്ഥലങ്ങളില്‍ ഗതാഗതം മെച്ചപ്പെടുത്തുന്നതിനുള്ള പ്രവര്‍ത്തനങ്ങള്‍ ആരംഭിച്ചതായി ദുബൈ റോഡ് ട്രാന്‍സ്‌പോര്‍ട് അതോറിറ്റി അറിയിച്ചു. 

ആദ്യ ഘട്ടത്തില്‍ 22 പ്രധാന തെരുവുകള്‍, ഒന്‍പത് സ്‌കൂള്‍ സോണുകള്‍, അഞ്ചിലധികം വികസന മേഖലകള്‍, ടോളറന്‍സ് ഡിസ്ട്രിക്ട്, അല്‍ ഖവാനീജ് 2, നദ് അല്‍ ഷെബ എന്നിവിടങ്ങളിലെ നിരവധി ആന്തരിക റോഡുകള്‍ എന്നിവ ഉള്‍പ്പെടും. ദൈനംദിന ഗതാഗത പ്രവാഹത്തിന് തടസ്സം കുറയ്ക്കുന്ന രീതിയില്‍ റോഡ് പ്രവര്‍ത്തനങ്ങള്‍ നടത്തുമെന്ന് റോഡ്‌സ് ആന്‍ഡ് ട്രാന്‍സ്‌പോര്‍ട്ട് അതോറിറ്റി (ആര്‍ടിഎ) ഞായറാഴ്ച പുറത്തിറക്കിയ പ്രസ്താവനയില്‍ അറിയിച്ചു.

അടുത്ത ഘട്ടത്തില്‍ ജുമൈറ വില്ലേജ് സര്‍ക്കിള്‍ മുതലുള്ള ഹെസ്സ സ്ട്രീറ്റ്, റാസ് അല്‍ ഖോര്‍ റോഡ്, അല്‍ തനിയ സ്ട്രീറ്റ്, കിംഗ് സല്‍മാന്‍ ബിന്‍ അബ്ദുല്‍അസീസ് അല്‍ സഊദ് സ്ട്രീറ്റ് എന്നിവിടങ്ങളില്‍ ഗതാഗത മെച്ചപ്പെടുത്തലുകള്‍ നടത്തും. അല്‍ മെയ്ദാന്‍ സ്ട്രീറ്റ്, അല്‍ സഅദാ സ്ട്രീറ്റ്, അല്‍ അസായില്‍ സ്ട്രീറ്റ്, അല്‍ വാസല്‍ സ്ട്രീറ്റിന്റെയും അല്‍ മനാറ സ്ട്രീറ്റിന്റെയും കവലകള്‍ എന്നിവിടങ്ങളിലും അധിക മെച്ചപ്പെടുത്തലുകള്‍ നടത്തും.

ഒന്‍പത് സ്‌കൂള്‍ മേഖലകളില്‍ ആര്‍ടിഎ റോഡ് പ്രവര്‍ത്തനങ്ങള്‍ നടത്തുന്നുണ്ട്. ഇതില്‍ അല്‍ വര്‍ഖ 1 സ്‌കൂള്‍ കോംപ്ലക്‌സിലെ നവീകരണം, അല്‍ വര്‍ഖ 3ലെ ജെംസ് എഡ്യുക്കേഷനില്‍ അധിക ബസ് പ്രവേശന കവാടം നിര്‍മ്മിക്കല്‍, ഷെയ്ഖ് സായിദ് റോഡിലെ അല്‍ സഫ 1ലെ ദി ഇംഗ്ലീഷ് കോളേജിന് ചുറ്റുമുള്ള എന്‍ട്രി-എക്‌സിറ്റ് പോയിന്റുകള്‍ വീതി കൂട്ടല്‍, അല്‍ ബര്‍ഷ 1ലെ അല്‍ സീദാഫ് സ്ട്രീറ്റില്‍ സിഗ്‌നല്‍ നിയന്ത്രിത കാല്‍നട ക്രോസിംഗ് സ്ഥാപിക്കല്‍ എന്നിവ ഉള്‍പ്പെടുന്നു.

Dubai's Roads and Transport Authority (RTA) has initiated a large-scale traffic improvement project targeting 40 key locations during the summer. The first phase includes upgrades to 22 major roads, nine school zones, five development areas, and internal roads in districts like Tolerance District, Al Khawaneej 2, and Nad Al Sheba. The RTA aims to minimize disruptions while enhancing traffic flow across the emirate.