ഇടുക്കി: സര്‍വകാല റെക്കോഡ് കടന്നു കുതിച്ചുയര്‍ന്ന് വെളിച്ചെണ്ണ വില. വിപണിയില്‍ ഒരു ലിറ്റര്‍ വെളിച്ചെണ്ണയുടെ വില 400 രൂപ കടന്നു. പിടിവിട്ടു കുതിച്ചു കൊണ്ടിരിക്കുകയാണ് വെളിച്ചെണ്ണ വില. ഒരു വര്‍ഷത്തിനിടെ ഇരട്ടിയിലധികം വര്‍ധനവാണ് ഉണ്ടായിരിക്കുന്നത്. ഇതില്‍ പെട്ടുപോകുന്നത് സാധാരണക്കാരായ ജനങ്ങളും.

മാര്‍ക്കറ്റില്‍ ലിറ്ററിന് വില 400 മുതല്‍ 450 വരെ ഉയര്‍ന്നിട്ടുണ്ട്. കൊപ്രയുടെ ലഭ്യതക്കുറവാണ് വിലകയറ്റത്തിന്റെ  കാരണമായി പറയുന്നത്. മൈസൂരു, തമിഴ്‌നാട്, പാലക്കാട്, കണ്ണൂര്‍, കാസര്‍കോഡ് എന്നിവിടങ്ങളില്‍ നിന്നാണ് കൊപ്ര കൂടുതലായും എത്തുന്നത്. മില്ലുകളിലേക്കെത്തുന്ന ലോഡുകളും പകുതിയായി കുറഞ്ഞിട്ടുണ്ട്. വിലവര്‍ധന വിപണിയെയും സാരമായി ബാധിച്ചു. വിപണിയിലെത്തുന്ന വ്യാജ വെളിച്ചെണ്ണയും മില്ലുടമകളെ പ്രതിസന്ധിയിലാക്കിയിട്ടുണ്ട്.