അബൂദബി:  ജംഗ്ഷനില്‍ നടന്ന ഗുരുതരമായ അപകടത്തിന്റെ ഞെട്ടിക്കുന്ന ദൃശ്യങ്ങള്‍ പുറത്തുവന്നതിനെ തുടര്‍ന്ന് വാഹനമോടിക്കുന്നവര്‍ക്ക് മുന്നറിയിപ്പുമായി അബൂദബി പൊലിസ്. അശ്രദ്ധമായ ഡ്രൈവിംഗിന്റെ ഗുരുതരമായ അപകടസാധ്യതകള്‍ എടുത്തുകാണിച്ച പൊലിസ് റെഡ് സിഗ്‌നലുകള്‍ മറികടക്കുന്നവര്‍ക്കെതിരെയാണ് മുന്നറിയിപ്പ് നല്‍കിയിരിക്കുന്നത്.

ALSO READ: യുഎഇയിൽ ഈ മേഖലയിലാണോ ജോലി? കരുതിയിരുന്നോളു, നിങ്ങൾക്കുള്ള പണി വരുന്നുണ്ട്

അബൂദബി മോണിറ്ററിംഗ് ആന്‍ഡ് കണ്‍ട്രോള്‍ സെന്ററുമായി സഹകരിച്ച് 'യുവര്‍ കമന്റ്' സംരംഭത്തിന്റെ ഭാഗമായി പങ്കിട്ട വീഡിയോയില്‍, ഒരു ചെറിയ കാര്‍ ഒരു കവലയില്‍ ഇടത്തേക്ക് തിരിയാന്‍ ശ്രമിക്കുമ്പോള്‍, ക്രോസ്‌റോഡില്‍ നിന്ന് വേഗത്തില്‍ വന്ന ഒരു ബസുമായി ശക്തമായി കൂട്ടിയിടിക്കുകയായിരുന്നു. ഇടിയുടെ ആഘാതത്തില്‍ ബസ് വശത്തേക്ക് മറിഞ്ഞു. അപകടത്തില്‍ കാറിന് സാരമായ കേടുപാടുകള്‍ സംഭവിച്ചു.

ഡ്രൈവര്‍മാരുടെ ശ്രദ്ധ തെറ്റിയതാണ് സംഭവത്തിന് കാരണമെന്ന് അബൂദബി പൊലിസ് പറഞ്ഞു. ഡ്രൈവിംഗിനിടെ കോളുകള്‍ക്കായും ബ്രൗസിംഗിനായും സോഷ്യല്‍ മീഡിയ പരിശോധിക്കുന്നതിനായും മൊബൈല്‍ ഫോണ്‍ ഉപയോഗിക്കുന്നത് നിരവധി അപകടങ്ങള്‍ക്കും കാരണമാകുന്നുണ്ടെന്ന് പൊലിസ് അറിയിച്ചു.

'റോഡിലെ ശ്രദ്ധ തെറ്റുന്നത് റെഡ് സിഗ്നല്‍ മറികടക്കാന്‍ ഇടയാക്കിയേക്കും, ഇത് ഗുരുതരമായതും മാരകവുമായ അപകടങ്ങള്‍ക്ക് കാരണമാകുന്നതിനാല്‍ ഏറ്റവും അപകടകരമായ നിയമലംഘനങ്ങളില്‍ ഒന്നാണിത്,' അബൂദബി പൊലിസ് പ്രസ്താവനയില്‍ പറഞ്ഞു.

വാഹന കണ്ടുകെട്ടല്‍ സംബന്ധിച്ച 2020 ലെ അബൂദബി നിയമം നമ്പര്‍ (5) പ്രകാരം, റെഡ് സിഗ്‌നല്‍ ലംഘിച്ച് വാഹനമോടിക്കുന്ന ഡ്രൈവര്‍മാര്‍ക്ക് 1,000 ദിര്‍ഹം പിഴയും 12 ട്രാഫിക് പോയിന്റുകളും 30 ദിവസത്തെ വാഹന കണ്ടുകെട്ടലും നേരിടേണ്ടിവരും.

ALSO READ: ഇറാനിലെ ഇസ്റാഈൽ ആക്രമണം; ശക്തമായി അപലപിച്ച് യുഎഇ

പിടിച്ചെടുത്ത വാഹനം വിട്ടുകൊടുക്കുന്നതിന് നിയമലംഘകര്‍ 50,000 ദിര്‍ഹം നല്‍കണം. നിയമലംഘനം നടത്തുന്നവരുടെ ഡ്രൈവിംഗ് ലൈസന്‍സും ആറ് മാസത്തേക്ക് സസ്‌പെന്‍ഡ് ചെയ്യും. മൂന്ന് മാസത്തിനുള്ളില്‍ പിഴ അടയ്ക്കാതിരുന്നാല്‍ വാഹനം ലേലത്തില്‍ വില്‍ക്കും.

A car in Abu Dhabi ran a red light, driving forward into an intersection, and crashed into a bus. The impact flipped the bus onto its side and left the car severely damaged. Abu Dhabi Police attributed the incident to driver distraction, emphasizing that inattentiveness, often due to mobile phone use, can lead to fatal misjudgments, especially at intersections.