തിരുവനന്തപുരം: പാറശ്ശാലയിൽ ദത്തെടുത്ത അഞ്ചുവയസ്സുകാരിയെ ലൈംഗികമായി പീഡിപ്പിച്ച 52-കാരനായ വളർത്തച്ഛൻ അറസ്റ്റിൽ. ശിശുക്ഷേമ സമിതിയിൽ നിന്ന് ദത്തെടുത്ത കുട്ടിയാണ് ഇയാളുടെ ലൈംഗിക ചൂഷണത്തിന് ഇരയായത്.

കുട്ടി സംഭവം അമ്മയോട് വെളിപ്പെടുത്തിയതിനെ തുടർന്ന് തിരുവനന്തപുരത്തെ എസ്എടി ആശുപത്രിയിൽ വൈദ്യപരിശോധന നടത്തി. ഡോക്ടറുടെ പരിശോധനയിൽ പീഡനം സ്ഥിരീകരിച്ചു.

തുടർന്ന് പാറശ്ശാല പൊലീസ് കുട്ടിയുടെ മൊഴി രേഖപ്പെടുത്തി, പ്രതിക്കെതിരെ പോക്‌സോ നിയമപ്രകാരം കേസെടുത്ത് അറസ്റ്റ് ചെയ്തു. പ്രതിയെ നെയ്യാറ്റിൻകര കോടതിയിൽ ഹാജരാക്കി.

പീഡനത്തിനിരയായ കുട്ടിക്ക് കൗൺസിലിംഗ് അടക്കമുള്ള സഹായങ്ങൾ സർക്കാർ സംവിധാനങ്ങൾ മുഖേന ഒരുക്കിയതായി അധികൃതർ അറിയിച്ചു. സംഭവത്തിൽ കൂടുതല്‍ അന്വേഷണം തുടരുകയാണ്.

52-year-old man arrested under POCSO Act for sexually abusing his 5-year-old adopted daughter in Parassala, Thiruvananthapuram. Medical examination confirmed the assault.