ദോഹ: 5.6 ബില്യണ്‍ ഡോളറിലധികം കള്ളപ്പണം വെളുപ്പിച്ചതിന് ഖത്തറിലെ ക്രിമിനല്‍ കോടതി ഖത്തറിന്റെ മുന്‍ ധനമന്ത്രിയെ 20 വര്‍ഷം തടവിന് ശിക്ഷിച്ചതായി റോയിട്ടേഴ്സ് റിപ്പോര്‍ട്ട് ചെയ്തു. അലി ഷെരീഫ് ഇമാദിയ്ക്കാണ് കോടതി 20 വര്‍ഷത്തെ തടവിശിക്ഷ വിധിച്ചത്.

ALSO READ: ഇറാന്റെ ആണവ കേന്ദ്രങ്ങൾ ലക്ഷ്യമിട്ട് വീണ്ടും ഇസ്റഈലിന്റെ വ്യോമാക്രമണം; മണ്ടത്തരമായ നടപടിയെന്ന് ഇറാൻ; അപലപിച്ച് സഊദിയും ഖത്തറും

കോടതി അലി ഷെരീഫ് അല്‍ ഇമാദിയോട് 61 ബില്യണ്‍ ഖത്തര്‍ റിയാല്‍ പിഴ അടയ്ക്കാനും ഉത്തരവിട്ടു. അദ്ദേഹം വെളുപ്പിച്ച പണത്തിന്റെ ഇരട്ടി തുകയാണിത്. കൂടാതെ 21 ബില്യണ്‍ റിയാലിലധികം അധിക പിഴയും ചുമത്തിയതായി റോയിട്ടേഴ്‌സ് വ്യക്തമാക്കുന്നു.

കോടതി പുറപ്പെടുവിച്ച ശിക്ഷയ്ക്കെതിരെ മറ്റ് 14 പേര്‍ക്കൊപ്പം വിചാരണ നേരിട്ട ഇമാദിക്ക് അപ്പീല്‍ നല്‍കാം. ശിക്ഷാവിധിയെക്കുറിച്ച് പ്രതികരിക്കാന്‍ ഇമാദിയുടെ അഭിഭാഷകര്‍ തയ്യാറായില്ല. അറസ്റ്റിലായതിനുശേഷം അദ്ദേഹം പരസ്യപ്രതികരണത്തിന് മുതിര്‍ന്നിട്ടില്ല.

അഴിമതിയുടെ സ്വഭാവം വിശദമാക്കാത്ത രേഖ പ്രകാരം, കൈക്കൂലി, സ്ഥാനത്തിന്റെയും അധികാരത്തിന്റെയും ദുരുപയോഗം, പൊതു ഫണ്ടിന് നാശനഷ്ടം വരുത്തല്‍ എന്നീ കുറ്റങ്ങള്‍ ചുമത്തിയാണ് ഇമാദിയെ ശിക്ഷിച്ചത്. 2021 മെയ് മാസത്തില്‍ അദ്ദേഹത്തെ അറസ്റ്റ് ചെയ്യുകയും ധനമന്ത്രി സ്ഥാനത്ത് നിന്ന് പുറത്താക്കുകയും ചെയ്തിരുന്നു.

ALSO READ: യാത്രക്കാരുടെ ശ്രദ്ധക്ക്: ചൊവ്വാഴ്ച മുതൽ ഖത്തർ അൽ-ഖോർ ഇന്റർചേഞ്ചിൽ ഗതാഗത നിയന്ത്രണം

ഖത്തര്‍ പ്രധാനമന്ത്രിയും വിദേശകാര്യ മന്ത്രിയുമായ ഷെയ്ഖ് മുഹമ്മദ് ബിന്‍ അബ്ദുള്‍റഹ്‌മാന്‍ അല്‍ താനി, ഇമാദിക്കെതിരായ അന്വേഷണം ധനമന്ത്രി എന്ന നിലയിലുള്ള അദ്ദേഹത്തിന്റെ പദവിയുമായി ബന്ധപ്പെട്ടതാണെന്നും മന്ത്രിയായിരുന്ന കാലത്ത് ബിസിനസ് സമൂഹത്തില്‍ അദ്ദേഹം വഹിച്ച മറ്റ് പദവികളുമായി ഇതിന് ബന്ധമില്ലെന്നും അദ്ദേഹം പറഞ്ഞു.

Qatar's former finance minister, Ali Sherif al-Emadi, has been sentenced to 20 years in prison for laundering over $5.6 billion. The court also imposed a fine exceeding 61 billion Qatari riyals ($16.7 billion). Emadi faced charges of bribery, abuse of power, and damage to public funds. The investigation was related to his role as finance minister and not his other business positions.