“ഈ കുഞ്ഞുങ്ങളെ കൊല്ലുന്ന ഭരണകൂടത്തിനെതിരെ ഉടൻ തന്നെ നരകത്തിന്റെ കവാടങ്ങൾ തുറക്കപ്പെടും,” ഇസ്‌ലാമിക നേതാവായ ആയത്തുള്ള സയ്യിദ് അലി ഖാമനെയ്‌ക്ക് അയച്ച കത്തിൽ ഇസ്‌ലാമിക് റവല്യൂഷനറി ഗാർഡ് കോർപ്‌സിന്റെ (IRGC) പുതിയ കമാൻഡർ മേജർ ജനറൽ മുഹമ്മദ് പാക്പൂർ എഴുതി.

“സയണിസ്റ്റ് ഭീകര ഭരണകൂടം ഇന്ന് ഇസ്‌ലാമിക റിപ്പബ്ലിക്കിന്റെ ദേശീയ സുരക്ഷയ്ക്കും പ്രദേശിക സമഗ്രതയ്ക്കും എതിരെ നടത്തിയ കുറ്റകൃത്യം തീർച്ചയായും പ്രതികാരമില്ലാതെ വിടില്ല,” എന്ന് അദ്ദേഹം കൂട്ടിച്ചേർത്തു.

 സയ്യിദ് അലി ഖാമനെ നേരത്തെ പ്രഖ്യപിച്ച “ശക്തമായ ശിക്ഷ” എന്ന വാഗ്ദാനം നടപ്പിലാക്കുന്നതിന് ഈ പ്രതികാരം ഉപകരിക്കുമെന്ന് കമാൻഡർ വ്യക്തമാക്കി.

‘ഇസ്റാഈലിനെ കാത്തിരിക്കുന്നത് വൻ നാശനഷ്ടങ്ങൾ’

ആയത്തുള്ള ഖാമനെയുടെ വാഗ്ദാനത്തിന് അനുസൃതമായി, അദ്ദേഹത്തിന്റെ “ജ്ഞാനപൂർവകവും ശക്തവുമായ” നേതൃത്വത്തിന് കീഴിൽ, ഐആർജിസി “ക്രിമിനൽ ഭരണകൂടമായ സയണിസ്റ്റ് ഭരണകൂടത്തെ കനത്തതും വേദനാജനകവുമായ വിധിയിലേക്ക് കൊണ്ടുവരും, വൻതോതിലുള്ളതും നാശകരവുമായ പ്രത്യാഘാതങ്ങൾ അവർ അനുഭവിക്കും,” എന്ന് പാക്പൂർ പറഞ്ഞു.

ഈ പ്രതികാരം, ആക്രമണങ്ങളിലൂടെ “ചോരയിൽ കുളിച്ച കമാൻഡർമാർ, ശാസ്ത്രജ്ഞർ, ജനങ്ങൾ” എന്നിവർക്ക് വേണ്ടി പ്രതികാരം വീട്ടുകയാണെന്ന് അദ്ദേഹം കൂട്ടിച്ചേർത്തു.

നിരവധി ടാർഗെറ്റഡ് കില്ലിംഗ് ആക്രമണങ്ങളിലൂടെ ഐആർജിസി -യുടെ മുൻ ചീഫ് കമാൻഡർ മേജർ ജനറൽ ഹുസൈൻ സലാമിയുടെ രക്തസാക്ഷിത്വത്തിലേക്ക് നയിച്ച ആക്രമണങ്ങളെ തുടർന്നാണ് ഈ കത്ത്.

ഐആർജിസി -യുടെ എയ്‌റോസ്‌പേസ് ഡിവിഷൻ കമാൻഡർ ബ്രിഗേഡിയർ ജനറൽ അമീർ അലി ഹാജിസാദെ, ഇറാൻ സായുധ സേനയുടെ ചീഫ് ഓഫ് സ്റ്റാഫ് മേജർ ജനറൽ മുഹമ്മദ് ബാഗേരി, ഇസ്‌ലാമിക റിപ്പബ്ലിക്കിന്റെ ഖാതം അൽ-അൻബിയ സെൻട്രൽ ഹെഡ്‌ക്വാർട്ടേഴ്‌സിന്റെ കമാൻഡർ മേജർ ജനറൽ ഗുലാം-അലി റഷീദ് എന്നിവരും ആക്രമണത്തിൽ മരിച്ച പ്രമുഖരിൽ ഉൾപ്പെടുന്നു.

ആക്രമണത്തിൽ വിദഗ്ധ ന്യൂക്ലിയർ ശാസ്ത്രജ്ഞരായ മുഹമ്മദ്-മെഹ്ദി തെഹ്‌റാൻചി, ഫെറെയ്ദൂൻ അബ്ബാസി, ഡോ. അബ്ദുൽ-ഹമീദ് മിനൂചർ എന്നിവരും കൊല്ലപ്പെട്ടു.

ഐആർജിസി-യുടെ പുതിയ കമാൻഡർ, മുതിർന്ന ഉദ്യോഗസ്ഥരുടെ രക്തസാക്ഷിത്വത്തിൽ ആയത്തുള്ള ഖാമനെയോട് അനുശോചനം അറിയിക്കുകയും മേജർ ജനറൽ സലാമിയുടെ പിൻഗാമിയായി തന്നെ നിയമിച്ചതിന് നേതാവിനോട് നന്ദി പ്രകടിപ്പിക്കുകയും ചെയ്തു.

തന്റെ കമാൻഡർഷിപ്പിന് കീഴിൽ, ഐആർജിസി-യുടെ സൈനിക ശക്തി വർധിപ്പിക്കാനും രാജ്യത്തെയും ഇറാനിയൻ ജനതയെയും സംരക്ഷിക്കാനും പ്രതിജ്ഞാബദ്ധനാണെന്ന് പാക്പൂർ വാഗ്ദാനം ചെയ്തു.

Major General Mohammad Pakpour, the newly appointed IRGC commander, vowed to unleash severe retaliation, described as opening "the gates of hell," against Israel for attacks that killed his predecessor, Hossein Salami, and other senior Iranian military figures and scientists. In a letter to Supreme Leader Ayatollah Ali Khamenei, Pakpour condemned Israel as a "child-killing regime" and promised "massive and destructive consequences" for violating Iran's security. The strikes, which targeted nuclear and military sites, also claimed the lives of key figures like Mohammad Bagheri and nuclear scientists. Pakpour pledged to strengthen the IRGC and defend Iran.