ദുബൈ: അഹമ്മദാബാദ് വിമാനാപകടത്തെത്തുടർന്ന് യുഎഇയിൽ നിന്ന് അഹമ്മദാബാദിലേക്കുള്ള വിമാന സർവിസുകൾ വൈകുന്നു. ബോയിംഗ് 787-8 ഡ്രീംലൈനർ സർവീസ് നടത്തുന്ന AI171 വിമാനം, ഉച്ചയ്ക്ക് 1:38 നാണ് അപകടത്തിപ്പെട്ടത്. അഹമ്മദാബാദ് സർദാർ വല്ലഭായ് പട്ടേൽ അന്താരാഷ്ട്ര വിമാനത്താവളത്തിൽ നിന്ന് പുറപ്പെട്ട് ലണ്ടൻ ഗാറ്റ്വിക്കിലേക്കുള്ള യാത്രയ്ക്കായി ടേക്ക് ഓഫ് ചെയ്ത് സെക്കന്റുകൾക്ക് ഉള്ളിൽ വിമാനം തീഗോളമായി മാറുകയായിരുന്നു. 800 മീറ്റർ ഉയരം വരെ പറന്നുയർന്ന വിമാനം പെട്ടെന്ന് താഴ്ന്ന് നിലത്ത് ഇടിക്കുകയായിരുന്നു.

യുഎഇ എയർലൈൻസ് സ്ഥിതിഗതികൾ സജീവമായി നിരീക്ഷിച്ചുവരികയാണ്. "ഇന്നത്തെ നിർഭാഗ്യകരമായ സംഭവത്തെക്കുറിച്ച് കേട്ടതിൽ ദുഃഖമുണ്ടെന്നും ദുരിതമനുഭവിക്കുന്ന എല്ലാവർക്കും ഞങ്ങളുടെ ആത്മാർത്ഥ അനുശോചനം അറിയിക്കുന്നുവെന്നും ദുബൈ വിമാനക്കമ്പനിയായ ഫ്ലൈദുബൈ ഗൾഫ് ന്യൂസിനോട് വ്യക്തമാക്കി. ഞങ്ങൾ സ്ഥിതിഗതികൾ സൂക്ഷ്മമായി നിരീക്ഷിച്ചുകൊണ്ടിരിക്കുകയാണ്, അഹമ്മദാബാദിലേക്കുള്ള ഞങ്ങളുടെ വിമാനങ്ങൾ നിലവിൽ ഷെഡ്യൂൾ പ്രകാരം സർവിസ് നടത്തുന്നു."

എന്നിരുന്നാലും, ദുബൈ ഇന്റർനാഷണൽ എയർപോർട്ടിൽ നിന്ന് വൈകുന്നേരം 7:25 ന് പുറപ്പെടേണ്ടിയിരുന്ന സ്പൈസ് ജെറ്റ് ഫ്ലൈറ്റ് SG016 രാത്രി 11:30 ലേക്ക് പുനഃക്രമീകരിച്ചു. അഹമ്മദാബാദിലേക്കുള്ള എല്ലാ എമിറേറ്റ്സ് സർവീസുകളും പതിവുപോലെ പ്രവർത്തിക്കുമെന്ന് പ്രതീക്ഷിക്കുന്നു, അഹമ്മദാബാദിൽ നിന്നുള്ള ഒരു ഇൻബൗണ്ട് എമിറേറ്റ്സ് വിമാനം രാവിലെ 5:53 ന് ദുബൈയിൽ എത്തിച്ചേരും.

ഈ സംഭവത്തെത്തുടർന്ന് സർദാർ വല്ലഭായ് പട്ടേൽ വിമാനത്താവളത്തിലെ എല്ലാ ഫ്ലൈറ്റ് ഓപ്പറേഷനുകളും താൽക്കാലികമായി നിർത്തിവെച്ചു. ഇത് യുഎഇയുമായി ബന്ധപ്പെട്ട ഫ്ലൈറ്റുകളെയും ബാധിച്ചു. ദുരിതബാധിതരായ എല്ലാ വ്യക്തികളെയും അവരുടെ കുടുംബങ്ങളെയും പിന്തുണക്കുക എന്നതാണ് തങ്ങളുടെ പ്രാഥമിക ശ്രദ്ധയെന്ന് എയർ ഇന്ത്യ അറിയിച്ചു. വിവരങ്ങൾ തേടുന്ന കുടുംബങ്ങൾക്ക് അടിയന്തര കേന്ദ്രം സജ്ജമാക്കുകയും പിന്തുണാ സംഘങ്ങളെ വിന്യസിക്കുകയും ചെയ്തിട്ടുണ്ട്. ദാരുണമായ അപകടത്തിൽ എയർ ഇന്ത്യ, ടാറ്റ സൺസ് ചെയർമാൻ എൻ ചന്ദ്രശേഖരൻ അഗാധമായ ദുഃഖം രേഖപ്പെടുത്തി.

യുഎഇയിൽ നിന്നും അഹമ്മദാബാദിലേക്ക് യാത്ര ചെയ്യാൻ നിശ്ചയിച്ചിരുന്ന യാത്രക്കാർ എയർലൈനുമായി ബന്ധപ്പെട്ട് ഫ്ലൈറ്റ് സ്റ്റാറ്റസ്, റീ-റൂട്ടിംഗ് എന്നിവയെക്കുറിച്ചുള്ള അപ്ഡേറ്റുകൾ അറിയാൻ ശ്രമിക്കണം.

A recent plane incident in Ahmedabad has put flights from the UAE to Ahmedabad in a state of uncertainty. Passengers are advised to check with their airlines for the latest updates on flight schedules and operations. Further information will be provided as the situation develops.